مرکزی وزیر داخلہ امت شاہ نے جمعرات کو دہلی جل بورڈ کے 1816 کروڑ روپے کے مختلف منصوبوں کا افتتاح اور سنگِ بنیاد رکھا۔ انہوں نے کہا کہ یمنا کی کرپا سے دہلی، اتراکھنڈ اور ہریانہ میں، یعنی گنگوتری سے پریاگ راج تک، کمل کی حکومت ہے۔
مرکزی وزیر نے بتایا کہ جمعرات کے روز 11 افتتاح اور 8 سنگِ بنیاد تقریبیں ہوئی ہیں۔ وزیراعظم مودی نے اپنا 24 سالہ مدتِ کار مکمل کیا ہے۔ چاہے وہ گجرات کے وزیر اعلیٰ کے طور پر ہوں یا وزیراعظم کے طور پر، انہوں نے ملک میں ’’سوشاسان‘‘ کا نظریہ کوعملی شکل دی ہے۔ ملک کی سلامتی، معیشت کو آگے بڑھانا، ہر شعبے میں ہندوستان کو اولیت پر لانا جیسے اہداف کو یقینی کیا گیا ہے۔
گنگوتری سے پریاگ راج تک کمل کی حکومت
انہوں نے کہا کہ جب دہلی کی حکومت تشکیل کی گئی تھی تو وزیراعظم مودی نے یہ کہا تھا کہ دریائے جمنا کی صفائی اولین ترجیح ہے۔ وزیراعظم نے یہ کہا کہ اگر بدعنوانی کم کریں تو وہی رقم جمنا کی صفائی کے لیے کافی ہوگی۔ یمنا کی کرپا ہے کہ گنگوتری سے پریاگ راج تک کمل کے پھول کی حکومت ہے، یعنی جمنا کی صفائی کا راستہ صاف ہے۔
امت شاہ نے کہا کہ جمنا کی صفائی کا وہ عزم جو وزیراعظم نریندر مودی نے لیا ہے، وہ سیاسی نہیں ہے، بلکہ وہ اس ’پوتر استھان‘ کا احترام کرنے کی ایک منصوبہ بندی ہے جہاں جمنا بہتی ہے۔ 15 یا 11 سال تک کانگریس اور آپ پارٹی نے دہلی کو ترقی سے محروم رکھا تھا۔ پانچ سالوں میں بی جے پی کی حکومت کے تحت ایسا وژن رکھا گیا کہ دنیا بھر میں دہلی کی بات ہورہی۔
دہلی سے کچرا ہٹا کر باغ بنانے کا ہدف
انہوں نے مزید کہا کہ من موہن سنگھ کی حکومت کے زمانے میں دو لاکھ تک کی آمدنی پر انکم ٹیکس دینا پڑتا تھا، مگر اب مودی کی حکومت میں بارہ لاکھ تک کی آمدنی پر ٹیکس نہیں ہے۔ اگر مودی ہیں تو تبدیلی ممکن ہوئی۔ دہلی میں پہلے آپ کی حکومت تھی اور وہاں کچرے کا پہاڑ بنتاچلا گیا۔ مگر 2027 تک وہ کچرے کا پہاڑ ختم ہوگا اور وہاں باغات ہوں گے۔ دہلی والوں کو کیجریوال کی وجہ سے آیوشمان یوجنا کا فائدہ نہیں ملا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
