لوک جن شکتی پارٹی (ایل جے پی) (رام ولاس) کی رکن پارلیمنٹ شمبھوی چودھری نے جمعہ کو وزیر اعظم نریندر مودی سے اپنے اہل خانہ کے ساتھ ملاقات کی اور انھیں 1971 کی جنگ کے ہیرو بابو جگ جیون رام جی کی تصویر پیش کی۔ شمبھوی چودھری نے اس ملاقات کی تصویر سوشل میڈیا پر شیئر کرتے ہوئے لکھا کہ ’’محترم سرپرست سے پیار بھری ملاقات۔ ہمارے ملک کے معزز وزیر اعظم اور ہمیں حوصلہ دینے والے شری نریندر مودی جی سے اپنے خاندان کے ساتھ ملاقات کی اور ان کا آشیرواد اور رہنمائی حاصل کی۔ انھیں 1971 کی جنگ کے ہیرو بابو جگ جیون رام جی کی تصویر بھی پیش کی۔‘‘
आदरणीय अभिभावक से स्नेहिल मुलाकात🙏🏻
हमारे देश के माननीय प्रधानमंत्री, हमारे प्रेरणास्त्रोत आदरणीय श्री @narendramodi जी से सपरिवार भेंट कर उनका आशीर्वाद और मार्गदर्शन प्राप्त की साथ हीं 1971 के युद्ध के नायक बाबू जगजीवन राम जी की तस्वीर भी उन्हें भेंट की।@LJP4India pic.twitter.com/zLq5QfoHaj
— Shambhavi Choudhary – शाम्भवी चौधरी (@Sham4Samastipur) August 1, 2025
واضح رہے کہ شمبھوی چودھری حالیہ لوک سبھا انتخابات 2024 میں بہار کی سمستی پور سیٹ سے منتخب ہو کر پارلیمنٹ پہنچی ہیں۔ وہ لوک جن شکتی پارٹی (رام ولاس) کی نمائندگی کرتی ہیں اور پارٹی کے سربراہ چراغ پاسوان کے قریبی مانی جاتی ہیں۔ صرف 25 برس کی عمر میں منتخب ہو کر وہ موجودہ لوک سبھا کی سب سے کم عمر رکن ہیں۔ان کا تعلق ایک سیاسی گھرانے سے ہے اور ان کے والد اشوک چودھری بہار کی سیاست میں سرگرم اور مختلف عہدوں پر فائز رہ چکے ہیں۔
شمبھوی نے اپنی تعلیم دہلی یونیورسٹی سے حاصل کی اور کم عمری سے ہی سماجی خدمت اور عوامی رابطے میں دلچسپی رکھتی تھیں۔ پارلیمنٹ میں اپنے پہلے خطاب سے ہی انھوں نے میڈیا اور عوام کی توجہ حاصل کی اور ایک بااعتماد، بااثر نوجوان لیڈر کے طور پر خود کو پیش کیا۔ شمبھوی چودھری کو بھارت میں نئی نسل کی سیاسی قیادت کی ایک علامت کے طور پر دیکھا جا رہا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
