بہار کی سیاست میں ایک بار پھر ہلچل مچ گئی ہے۔ اگرچہ اسمبلی انتخابات کے نتائج کے بعد این ڈی اے کی اکثریت کے ساتھ اقتدار میں واپسی ہوئی ہے، لیکن سی ایم کے عہدہ کو لے کر جاری سسپنس ختم ہونے کے کوئی آثار نظر نہیں آرہے ہیں۔قابل ذکر بات یہ ہے کہ جنتا دل یونائیٹڈ (جے ڈی یو) نے اپنے آفیشل سوشل میڈیا پلیٹ فارم ‘ایکس’ پر ایک پوسٹر شیئر کیا ہے، جس نے سیاسی حلقوں میں ایک نئی بحث چھیڑ دی ہے۔
کیا نتیش کمار دوبارہ وزیر اعلیٰ کا عہدہ سنبھالیں گے؟
खुशहाल है बिहार… सुरक्षित है बिहार#Bihar #NitishKumar#JDU #JanataDalUnited pic.twitter.com/DXiwy5BWxo
— Janata Dal (United) (@Jduonline) November 16, 2025
جے ڈی یو کی طرف سے جاری کردہ پوسٹر میں وزیر اعلیٰ نتیش کمار کی ایک بڑی تصویر بنی ہوئی ہے ،جس کا کیپشن ہے، ’’بہار ہےخوشحال ، پھرسےآگے نتیش کمار ‘‘۔اس کے ساتھ کیپشن میں پارٹی نےتبصرہ کیا، ” خوشحال بہار… محفوظ ہےبہار محفوظ ” اس پوسٹ نے سیاسی تجزیہ کاروں اور بہار کے عوام کے درمیان سوالات اٹھنے لگے ہیں کہ کیا جے ڈی یو اشارہ دے رہی ہے کہ نتیش کمار ایک بار پھر وزیر اعلیٰ کا عہدہ سنبھالیں گے۔
جے ڈی یو کا پوسٹر بہار میں موضوع بحث
این ڈی اے نے ابھی تک چیف منسٹر کے نام کا باضابطہ اعلان نہیں کیا ہے۔ بی جے پی، جے ڈی یو، ایل جے پی (رام ولاس)، ایچ اے ایم اور آر ایل ایم سمیت اتحاد کی اتحادی جماعتوں کے سرکردہ لیڈران جلد ہی قیادت پر فیصلہ کرنے کے لیے ملاقات کریں گے۔ قابل ذکر بات یہ ہےکہ جے ڈی یو کے اس پوسٹر نے رسمی کارروائی سے پہلے ہی بحث کےدروازےکھول دئے ہیں۔ جے ڈی یو کا پوسٹرکا ایسے وقت میں آیا ہے، جب بہار کی سیاست میں طاقت کے توازن اور وزیر اعلیٰ کے عہدہ کو لے کر کافی قیاس آرائیاں ہو رہی ہیں۔
قابل ذکر ہے کہ بی جے پی نے این ڈی اے میں سب سے زیادہ سیٹیں حاصل کی ہیں، جب کہ جے ڈی یو دوسرے نمبر پر ہے۔ اس کے باوجود جے ڈی یو نے مسلسل نتیش کمار کو ایک قابل قبول لیڈر اور گڈ گورننس کا چہرہ بتایا ہے۔ یہی وجہ ہے کہ پوسٹر میں دکھائے گئے پیغام کو بالواسطہ دعویٰ قرار دیا جا رہا ہے۔
پارٹی نتیش کمار کے متبادل پر غور کرنے کے موڈ میں
سیاسی ماہرین کا ماننا ہے کہ یہ پوسٹر جے ڈی یو کی طرف سے عوام اور اتحاد کو یہ اشارہ ہے کہ پارٹی نتیش کمار کے متبادل پر غور کرنے کے موڈ میں نہیں ہے۔ بی جے پی کی طرف سے بھی کوئی عوامی اختلاف نہیں ہے، جس کی وجہ سے یہ قیاس آرائیاں کی جا رہی ہیں کہ یہ فیصلہ پہلے ہی ہو چکا ہے۔اب سب کی نظریں این ڈی اے کی آئندہ باضابطہ میٹنگ پر ہیں، جہاں سی ایم کے عہدہ پر حتمی فیصلہ کیا جائے گا۔ قابل ذکر بات یہ ہے کہ یہ بات طے ہے کہ جے ڈی یو کے اس پوسٹر نے سسپنس کو مزید بڑھا دیا ہے اور بہار کی سیاست میں نتیش کمار کے کردار کو ایک بار پھر بحث کا موِضوع بناگیاہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
