Bihar Assembly Elections 2025: این ڈی اے میں سیٹوں کی تقسیم کا معاملہ ہوا پیچیدہ ؟ دھرمیندر دھان بی جے پی لیڈروں سے کریں گے ملاقات

بی جے پی کے بہار ریاستی الیکشن انچارج دھرمیندر پردھان آج بدھ کو پٹنہ پہنچیں گے۔ خیال کیا جاتا ہے کہ این ڈی اے کے اندر سیٹوں کی تقسیم کے پیچیدہ مسئلے کو حل کرنے کی کوشش کی جائے گی۔ پٹنہ پہنچنے پر دھرمیندر پردھان بی جے پی کے اہم لیڈروں کے ساتھ میٹنگ کریں گے۔ دوپہر ایک بجے بی جے پی کی اندرونی میٹنگ متوقع ہے۔

بی جے پی کی اس میٹنگ میں اس کی نشستوں پر اتحادیوں کے دعووں پر بات ہونے کا امکان ہے۔ ذرائع سے پتہ چلتا ہے کہ چراغ پاسوان نے بی جے پی کی نشستوں میں سے کچھ پر دعویٰ کیا ہے، جس کی وجہ سے سیٹوں کی تقسیم کا تنازعہ پیدا ہوا ہے۔ بی جے پی لیڈروں کی توقع ہے کہ چراغ پاسوان آج شام بدھ کھگڑیا سے پٹنہ واپس آنے کے بعد ان سے ملاقات کریں گے۔

کشواہا نے بی جے پی کے ساتھ کیا معاہدہ

 دوسری جانب مرکزی وزیر جیتن رام مانجھی آسام کے دورے پر ہیں، اس لیے بی جے پی لیڈر ایچ اے ایم کے قومی صدر سنتوش سمن سے بات چیت کر سکتے ہیں۔ ذرائع کے مطابق بی جے پی اپیندر کشواہا کے ساتھ تقریباً سمجھوتہ کر چکی ہے۔اس کا مطلب ہے کہ انہیں سیٹووں کو لئے کر کوئی مسئلہ نہیں ہے۔

کل دہلی میں  ہوئی تھی چراغ پاسوان سے ملاقات

 غور طلب ہے کہ چراغ پاسوان کی وجہ سے این ڈی اے میں سیٹوں کی تقسیم پھنس گئی ہے۔ یہی وجہ ہے کہ بی جے پی لیڈر دھرمیندر پردھان، ونود تاوڑے، اور منگل پانڈے نے گزشتہ منگل 7 اکتوبر 2025 کو چراغ پاسوان سے دہلی میں ان کی رہائش گاہ پر ملاقات کی تھی۔ میٹنگ کے بعد دھرمیندر پردھان آج بدھ  کوپٹنہ واپس آ رہے ہیں۔ مانا جا رہا ہے کہ این ڈی اے کے اندر سیٹوں کی تقسیم کی تصویر دو تین دن میں واضح ہو جائے گی اور اس کے بعد باضابطہ اعلان کیا جائے گا۔ غور طلب ہے کہ گرینڈ الائنس میں سیٹوں کی تقسیم کو ابھی حتمی شکل نہیں دی گئی
ہے۔

بھارت ایکسپریس اردو