دہلی اور آس پاس کے شہروں میں موسم کا انداز بدل چکاہے۔ محکمہ موسمیات نے دہلی کے لیے یلو الرٹ جاری کیا ہے۔ قومی دارالحکومت میں پیر 26 مئی کو جزوی طور پر ابر آلود رہنے کی توقع ہے۔ محکمہ موسمیات کے مطابق گرج چمک کے ساتھ ہلکی بارش ہوسکتی ہے۔ تیز ہوائیں 30 سے 50 کلومیٹر فی گھنٹہ کی رفتار سے چل سکتی ہیں۔
آئی ایم ڈی کے مطابق پیر کو زیادہ سے زیادہ درجہ حرارت 35 ڈگری سیلسیس اور کم سے کم درجہ حرارت 24 ڈگری سیلسیس کے آس پاس رہنے کا امکان ہے۔امس بھری گرمی لوگوں کو پریشان کر سکتی ہے اور ہیٹ انڈیکس 50 ڈگری تک پہنچ سکتا ہے۔
محکمہ موسمیات کے مطابق دہلی میں 31 مئی تک مسلسل بارش اور گرج چمک کا امکان ہے۔اس دوران دہلی والوں کو گرمی سے راحت ملنے کی امید ہے۔ اگلے پانچ دنوں تک زیادہ سے زیادہ درجہ حرارت 36 سے 38 ڈگری اور کم سے کم درجہ حرارت 24 سے 27 ڈگری کے درمیان رہنے کا امکان ہے۔
24 مئی کی رات 81.2 ملی میٹر بارش ہوئی
24 مئی کو گرج چمک اور تیز بارش کی وجہ سے دہلی میں فلائٹ آپریشن رات بھر متاثر رہا۔ کئی مقامات پر درخت اور بجلی کے کھمبے اکھڑ گئے اور کئی علاقے پانی میں ڈوب گئے۔ ہندوستان کے محکمہ موسمیات نے کہا کہ شہر کے بنیادی موسمی اسٹیشن نے رات 11.30 بجے سے صبح 5.30 بجے کے درمیان چھ گھنٹوں میں 82 کلومیٹر فی گھنٹہ کی رفتار سے ہوائیں اور 81.2 ملی میٹر بارش ریکارڈ کی۔ خراب موسم کی وجہ سے یہاں کے اندرا گاندھی انٹرنیشنل (IGI) ہوائی اڈے پر فلائٹ آپریشن متاثر رہا۔ موتی باغ، منٹو روڈ، دہلی چھاؤنی اور دین دیال اپادھیائے مارگ سمیت شہر کی کئی سڑکیں جزوی طور پر زیر آب آ گئیں۔ جب کہ کئی علاقوں میں درخت اور بجلی کے کھمبے اکھڑ گئے۔
دہلی میں آلودگی سے راحت
مرکزی آلودگی کنٹرول بورڈ (CPCB) کے اعداد و شمار کے مطابق اتوار کی شام 6 بجے ایئر کوالٹی انڈیکس (AQI) 105 تھی، یعنی تسلی بخش زمرے میں۔ CPCB کے مطابق صفر سے 50 کے درمیان AQI کو ‘اچھا’، 51 سے 100 ‘اطمینان بخش’، 101 سے 200 ‘اعتدال پسند’، 201 سے 300 ‘ بہت خراب’، 301 سے 400 ‘انتہائی ناقص’، اور 401 حد سے زیادہ ناقص 500 سمجھا جاتا ہے۔
بھار ت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
