UPSC Civil Services Results 2023: یوپی ایس سی کا فائنل رزلٹ جاری،آدتیہ سریواستو نے ماری بازی،ٹاپ 20 میں تین مسلم امیدوار بھی شامل

یونین پبلک سروس کمیشن (UPSC) نے سول سروسز امتحان 2023 کا حتمی نتیجہ جاری کر دیا ہے۔ امیدوار اپنا نتیجہ UPSC کی آفیشل ویب سائٹ upsc.gov.in پر دیکھ سکتے ہیں۔ آدتیہ سریواستو نے اس سال امتحان میں ٹاپ کیا ہے۔آدتیہ کے بعد انمیش پردھان دوسرے، ڈونورو اننیا ریڈی تیسرے، پی کے سدھارتھ رام کمار چوتھے اور روحانی پانچویں نمبر پر رہے۔ آپ کو بتادیں کہ اس سال کل 1016 امیدواروں کی تقرری کی سفارش کی گئی ہے، امیدواروں کے نمبرنتائج کے اعلان کے تقریباً 15 دن بعد جاری کیے جائیں گے۔ اس سے قبل یو پی ایس سی سول سروسز امتحان کے لیے انٹرویو 9 اپریل 2024 تک منعقد کیے گئے تھے۔ انٹرویو کا دور 2 جنوری سے شروع ہواتھا۔

سی ایس ای پری کے بعد، تقریباً 2846 امیدوار جنہوں نے مینس امتحان پاس کیا، انٹرویو کے لیے بلایا گیا۔ سول سروسز امتحان 2023 کے تحت، UPSC نے IAS، IPS سمیت خدمات میں 1143 آسامیوں کی بھرتی کی تھی۔

اس بار کتنے IAS اور IPS بنیں گے؟

آپ کو بتادیں کہ کل 1143 امیدواروں میں سے 180 امیدوار IAS پر، 37 امیدوار IFS پر، 200 امیدواروں کو IPS رینک پر تعینات کیا جائے گا۔ اس کے علاوہ سینٹرل سروسز گروپ اے کی 613 اور گروپ بی کے افسران کی 113 آسامیاں پر کی جائیں گی۔

یہ ہے ٹاپرز کی فہرست

IAS Topper AIR-1
Aditya Srivastava

Congratulations 🎉❤️ pic.twitter.com/5GBdxzZTYt

— UPSC NOTES (@UPSC_Notes) April 16, 2024

1- آدتیہ سریواستو

2- انیمیش پردھان

3- ڈونورو اننیا ریڈی

4- پی کے سدھارتھ رام کمار

5-روحانی

6-سرشتی ڈباس

7-انمول راٹھوڑ

8-آشیش کمار

9-نوشین

10-ایشوریم پرجاپتی

11-کش موٹوانی

12-انیکیت شانڈیلیا۔

13- میدھا آنند

14-شوریہ اروڑہ

15-کنال رستوگی

16 ایان جین

17-سواتی شرما

18-وردہ خان

19-شیوم کمار

20- آکاش ورما

آپ کو بتادیں کہ UPSC ہر سال سول سروسز امتحان کا انعقاد کرتی ہے۔ اس کے ذریعے انڈین ایڈمنسٹریٹو سروسز، انڈین پولیس سروسز، انڈین فارن سروسز وغیرہ کے عہدوں کے لیے امیدواروں کا انتخاب کیا جاتا ہے۔ یہ امتحان 3 مرحلوں میں لیا جاتا ہے جس میں پری امتحان، مینس امتحان اور انٹرویو شامل ہیں۔

بھارت ایکسپریس۔