ٹویوٹا فارچونر کار اب ہندوستانی مارکیٹ میں ایک مضبوط نام بن چکی ہے۔ یہ اپنے حریفوں کو سخت مقابلہ پیش کر رہی ہے۔ کمپنی نے تازہ اعلان میں کہا ہے کہ Fortuner اور اسی کی ایک اور شکل Legender نے ہندوستانی مارکیٹ میں 3 لاکھ یونٹس کی مجموعی فروخت کا سنگ میل عبور کر لیا ہے۔ 2009 میں اپنے قیام کے بعد سے فارچونر نے بہت زیادہ مانگ حاصل کی ہے۔ رپورٹ کے مطابق ہندوستان میں اوسطاً ہر روز تقریباً 50 لوگ فارچونر خرید رہے ہیں۔
ایک مضبوط 2.8L ڈیزل انجن سے لیس، متاثر کن 204 Hp پاور اور 500 Nm ٹارک والی فارچونر اپنی زبردست آف روڈ صلاحیت کے لیے جانی جاتی ہے، جو اسے مہم جوئی اور ڈرائیونگ کے شوقین افراد کے لیے ایک مثالی کار بناتی ہے۔ وہیں اس کا فور وہیل ڈرائیو اسے ہر طرح کی سڑک پر چلنے کے قابل بناتا ہے۔
وہیں The Legender کار، جسے2021 میں متعارف کرایا گیا تھا، جدید اور شہری ڈرائیور کے لیے ڈیزائن کی گئی ہے۔ یہ کار زیادہ پرتعیش اور خصوصیت سے بھرپور تجربہ پیش کر کے فارچونر کی میراث کو آگے بڑھاتی ہے۔ خصوصی ڈوئل ٹون اسٹائلنگ، ترتیب وار LED ٹرن انڈیکیٹرز، وائرلیس چارجنگ اور 11-اسپیکر JBL آڈیو سسٹم کے ساتھ Legender ڈرائیونگ کا زیادہ بہتر تجربہ فراہم کرتی ہے۔ اعلی درجے کی 4X4 صلاحیتوں کے ساتھ، Legender آف روڈ اور شہر کی مہم جوئی دونوں کے لیے ایک مثالی کار ہے۔
اس سنگ میل پر بات کرتے ہوئے، ٹویوٹا بزنس کے نائب صدر مسٹر وریندر وادھوا نے کہا ’’ہم اپنے برانڈ پر غیرمتزلزل اعتماد کے لیے ہندوستان میں پرجوش فارچونر اور لیجنڈر کے پرستاروں کا تہہ دل سے شکریہ ادا کرتے ہیں، کیوں کہ ہم 3-لاکھ یونٹس کی فروخت کا جشن منا رہے ہیں۔ ‘‘ انھوں نے مزید کہا کہ ہماری گاڑیاں نہ صرف بہتر چلتی ہیں، بلکہ مستقبل میں بھی اپنی قدر برقرار رکھتی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
