زمینی تنازعہ کو حل کرنے پہنچی پولیس ٹیم پر لینڈ مافیا نے کیا حملہ، کئی پولیس اہلکار زخمی
Bihar News: بہار کے بکسر میں زمین کے تنازعہ کو حل کرنے گئی راج پور پولیس ٹیم پر لینڈ مافیا نے حملہ کر دیا۔ اس واقعے میں کئی پولیس اہلکار زخمی ہو گئے ہیں۔ پولیس نے اس معاملے میں 11 لوگوں کو گرفتار کیا ہے۔ ہیڈ کوارٹر کے ڈی ایس پی نے کہا کہ پولیس ٹیم پر حملہ کرنے والوں کے خلاف سخت کارروائی کی جائے گی۔
زمین کے تنازعہ کوسلجھانے کے لیے جب راجپور پولیس کی ٹیم بکسر ضلع کے راج پور تھانہ علاقے کے تحت سونپا گاؤں پہنچی تو لینڈ مافیا نے ان پر اینٹوں اور پتھروں سے حملہ کردیا۔ اس دوران پولیس ٹیم نے کسی طرح چھپ کر اپنی جان بچائی اور اعلیٰ حکام کو واقعہ کی اطلاع دی۔ جس کے بعد بڑی تعداد میں پہنچے پولیس اہلکاروں نے 11 افراد کو گرفتار کر کے جیل بھیج دیا ہے۔ اس واقعہ کے بعد گاؤں والے خوفزدہ ہیں۔
دونوں فریقوں کے درمیان کافی عرصے سے چل رہا ہے تنازع
موصولہ اطلاع کے مطابق راج پور تھانہ علاقہ کے سونپا گاؤں کا رہنے والا آنند بھوشن دوسرے کی زمین پر قبضہ کر رہا تھا۔ بتایا جا رہا ہے کہ یہ تنازع گزشتہ کئی سالوں سے چل رہا ہے۔
افسران نے کیا کہا؟
واقعے کی تصدیق کرتے ہوئے ہیڈ کوارٹر کے ڈی ایس پی محمد اشفاق انصاری نے کہا، “دونوں فریقوں کے درمیان زمین کا تنازعہ تھا۔ جسے حل کرنے کے لیے پولیس گئی تھی۔ جس پر لینڈ مافیا نے حملہ کر دیا۔ اس معاملے میں کل 11 ملزمین کو گرفتار کیا گیا ہے۔
قابل ذکر بات یہ ہے کہ ضلع میں جرائم پیشہ عناصر کے حوصلے ساتویں آسمان پر ہیں۔ یہی وجہ ہے کہ وہ عام لوگوں کے ساتھ ساتھ ٹیم پر حملہ کرنے سے بھی گریز نہیں کر رہے۔ عالم یہ ہے کہ راج پور تھانہ علاقہ کے ہٹھوا گاؤں میں ہارش فائرنگ کے دوران ایک شخص کو گولی مار دی گئی، اس کے بعد بھی کسی نے اس کی تحریری شکایت نہیں کی اور نہ ہی پولیس نے مقدمہ درج کیا۔
-بھارت ایکسپریس
