![](https://urdu.bharatexpress.com/wp-content/uploads/2022/12/Kavita.jpg)
کے۔ کویتا
دہلی شراب پالیسی گھوٹالہ کیس میں بدعنوانی کے الزام میں تہاڑ جیل میں بند بی آر ایس لیڈر کے۔ کویتا کو ویڈیو کانفرنسنگ کے ذریعے راؤز ایونیو کورٹ میں پیش کیا گیا۔ جہاں عدالت نے کویتا کی عدالتی تحویل کی مدت 28 اگست تک بڑھا دی ہے۔ سی بی آئی کیس میں کے کویتا کی عدالتی حراست کی مدت آج ختم ہو رہی تھی، جس کے بعد انہیں عدالت میں پیش کیا گیا۔
آپ کو بتاتے چلیں کہ کے کویتا تلنگانہ کے سابق وزیر اعلی کے چندر شیکھر راؤ کی بیٹی ہیں۔ اس معاملے میں اب تک 18 لوگوں کو گرفتار کیا گیا ہے۔ جس میں دہلی کے وزیر اعلی اروند کیجریوال، دہلی کے نائب وزیر اعلی منیش سسودیا، راجیہ سبھا ممبر پارلیمنٹ سنجے سنگھ اور کے کویتا کے نام شامل ہیں ۔
سسودیا اور سنجے سنگھ کو ضمانت مل گئی ہے۔
آپ کو بتا دیں کہ اس معاملے میں اب تک 18 لوگوں کو گرفتار کیا جا چکا ہے۔ گرفتار ہونے والوں میں دہلی کے وزیر اعلی اروند کیجریوال، سابق نائب وزیر اعلی منیش سسودیا، عام آدمی پارٹی کے رکن پارلیمنٹ سنجے سنگھ، بی آر ایس لیڈر کے.کویتا شامل ہے۔
حال ہی میں منیش سسودیا کو ضمانت ملی ہے۔ اس سے پہلے سنجے سنگھ کو سپریم کورٹ سے ضمانت مل چکی ہے۔ 21 مارچ کو دہلی ہائی کورٹ سے اروند کیجریوال کی گرفتاری سے تحفظ نہ ملنے پر ای ڈی نے 21 مارچ کی شام دیر گئے اروند کیجریوال کو گرفتار کیا تھا۔ جبکہ کیجریوال کو سی بی آئی نے 26 جون کو گرفتار کیا تھا۔
بھارت ایکسپریس۔