تمل ناڈو میں نئی حکومت کی تشکیل سے متعلق تعطل ابھی بھی برقرارہے۔ اداکاروجے کی پارٹی تملیگا وینی کژگم (ٹی وی کے) کوحمایت دینے سے پہلے تھول تھروماولون کی پارٹی ودوتھلائی چروتھائیگل کاچی (وی سی کے) نے بڑی شرائط سامنے رکھ دی ہیں۔ ذرائع کے مطابق، وی سی کے نے حکومت میں حصہ داری کے تحت نائب وزیراعلیٰ کا عہدہ اوراہم وزارتوں کا مطالبہ کیا ہے۔
نائب وزیراعلیٰ کا عہدہ مانگ رہی ہے وی سی کے
ذرائع کے مطابق، وی سی کے چاہتی ہے کہ پارٹی سربراہ تھول تھروماولون کونائب وزیراعلیٰ بنایا جائے۔ اس کے علاوہ پارٹی اپنے نومنتخب اراکین اسمبلی کے لئے کابینی وزیرکا عہدہ بھی مانگ رہی ہے۔ اس موضوع پرجمعہ کے روزڈیجیٹل ذرائع سے ہوئی پارٹی کی میٹنگ میں تبادلہ خیال کیا گیا۔
وجے کی سیٹ پربھی نظر
ذرائع نے بتایا کہ اگروجے تروچراپلّی مشرق اسمبلی سیٹ چھوڑتے ہیں تووی سی کے چاہتی ہے کہ وہاں سے تھول تھروما ولون الیکشن لڑیں۔ مانا جا رہا ہے کہ وجے چنئی کی پیرمبورسیٹ اپنے پاس رکھ سکتے ہیں۔ وی سی کے کے ترجمان کے کے پاولن نے کہا کہ پارٹی سربراہ تھروماولن آج شام 4 بجے ٹی وی کے کوحمایت دینے یا نہ دینے پرحتمی فیصلہ کا اعلان کریں گے۔ جمعہ کے روزاعلیٰ سطح کی میٹنگ میں انہیں اس سے متعلق حتمی فیصلہ لینے کا اختیاردیا گیا تھا۔
دلت ریزرویشن اورکمیشن پربھی تبادلہ خیال
میٹنگ میں پچھلی حکومت کے ذریعہ قائم کردہ ذات پات کے قتل کی تحقیقات کے کمیشنوں کوجاری رکھنے اورسرکاری ملازمتوں میں دلتوں کے لئے ترقیوں میں ریزرویشن کویقینی بنانے جیسے مسائل پربھی تبادلہ خیال کیا گیا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
