چار سال کے بیٹے کا قتل کرنے کے معاملے میں اے آئی کمپنی کی 39 سالہ سی ای او سوچنا سیٹھ کو عدالت نے 6 دنوں کی پولیس حراست میں بھیج دیا۔
Suchana Seth sent Police Custody by Court: چار سال کے بیٹے کے قتل کرنے کے معاملے میں اے آئی کمپنی کی 39 سالہ سی ای او(CEO) سوچنا سیٹھ کو عدالت نے منگل (9 جنوری) کو 6 دنوں کی پولیس حراست میں بھیج دیا ہے۔ سوچنا سیٹھ کوگوا میں واقع ماپوسا کے جے ایم ایف سی کورٹ میں پیش کیا گیا تھا۔
شمالی گوا کے ایس پی ندھی ولسن نے کہا، ’’ایک خاتون نے ہوٹل اسٹاف سے بنگلورو کے لئے ٹیکسی کا انتظام کرنے کو کہا۔ چیک آؤٹ کے بعد جب ہوٹل اسٹاف کمرے کی صفائی کرنے گیا تو انہیں لال رنگ کے دھبے نظرآئے۔ اسے دیکھ کرانہیں لگا کہ یہ خون ہے۔ اسٹاف نے فوراً پولیس کو اطلاع دی۔ پولیس ہوٹل پہنچی اورڈرائیورکے ذریعہ خاتون سے رابطہ کرنے کی کوشش کی۔‘‘
ایس پی ندھی ولسن نے مزید کہا کہ ’’پولیس نے خاتون سے اس کے بیٹے کے بارے میں پوچھ گچھ کی تو اس نے بتایا کہ بچہ اپنے ایک دوست کے یہاں رہ رہا ہے۔ خاتون کا دیا گیا گھر کا پتہ فرضی نکلا۔ ڈرائیورکو کارکوپولیس اسٹیشن لے جانے کے لئے کہاگیا۔ خاتون کے سامان کی جانچ کرنے پرپولیس کو بچے کی لاش ملی۔ ایف آئی آر درج کرکے خاتون کو گرفتارکرلیا گیا ہے۔ دراصل، لنکڈ ان پرسوچنا سیٹھ کے پیج کے مطابق، وہ اسٹارٹ اپ کمپنی ’مائنڈ فل اے آئی لیب‘ کی سی ای او ہیں۔
#WATCH पणजी: गोवा में एक 4 साल के बच्चे की हत्या पर उत्तरी गोवा के SP निधिन वलसन ने कहा, “एक महिला ने होटल स्टाफ से बेंगलुरु के लिए टैक्सी की व्यवस्था करने को कहा…चेकआउट के बाद जब होटल स्टाफ कमरे की सफाई करने गया तो उन्हें लाल रंग के धब्बे दिखे, जिसे देखकर उन्हें लगा कि यह खून… pic.twitter.com/lYCnsU4T4s
— ANI_HindiNews (@AHindinews) January 9, 2024
پولیس نے کیا کہا؟
کلنگٹ پولیس تھانے کے سپرنٹنڈنٹ پریش نائک نے بتایا کہ ملزم خاتون 6 جنوری کو اپنے بیٹے کے ساتھ شمالی گوا کے کینڈولم میں ایک کرایے کے فلیٹ میں پہنچی تھی۔ انہوں نے بتایا کہ دو دن وہاں رہنے کے بعد، اس نے فلیٹ کے ملازمین کو کہا کہ اسے کچھ کام کے لئے بنگلورو جانا ہے۔ اس نے انہیں ٹیکسی کا انتظام کرنے کے لئے بھی کہا۔ پریش نائک نے کہا، ’’ملازمین نے خاتون سے کہا کہ وہ بنگلورو کے لئے فلائٹ لے سکتی ہیں کیونکہ ٹیکسی سے جانا مہنگا رہے گا۔‘‘
VIDEO | Suchana Seth, the CEO of a start-up company who has been arrested in Karnataka for allegedly killing her four-year-old son in #Goa, brought to Panaji by the police.
(Full video available on PTI Videos – https://t.co/n147TvqRQz) pic.twitter.com/XXyYAAm0ME
— Press Trust of India (@PTI_News) January 9, 2024
سوچنا سیٹھ نے زوردے کرکہا ’’وہ ٹیکسی سے ہی جائے گی۔ 8 جنوری کو ایک ٹیکسی کا انتظام ہونے کے بعد وہ صبح صبح بنگلورو کے لئے نکل گئی۔ بعد میں جب ملازمین اس کمرے کی صفائی کرنے کے لئے گئے، جہاں وہ رکی ہوئی تھی توانہٰں تولیئے پرخون کے دھبے ملے۔‘‘ انہوں نے کہا، ’’اس بارے میں فوراً کلنگٹ پولیس کو مطلع کیا اورایک ٹیم موقع پرپہنچ گئی تھی۔‘‘ ایس پی نائک نے بتایا کہ پولیس نے خاتون کے بیگ کی تلاشی لی تواس میں انہیں بچے کی لاش ملی۔
-بھارت ایکسپریس
