سری لنکا کی فوج کے کمانڈر لیفٹیننٹ جنرل بی کے جی ایم ایل روڈریگو 11 سے 14 جون 2025 تک ہندوستان کے سرکاری دورے پر ہوں گے۔ اس اعلیٰ سطحی دورے کا مقصد ہندوستان اور سری لنکا کے درمیان فوجی تعاون کو مزید مضبوط کرنا ہے، جس میں تربیت، صلاحیت کی تعمیر اور تعاون کے نئے شعبوں کی نشان دہی پر خصوصی توجہ دی جائے گی۔
یہ دورہ دونوں ممالک کے درمیان طویل مدتی دفاعی شراکت داری کو مزید گہرا کرنے کے مشترکہ عزم کی عکاسی کرتا ہے۔ توقع ہے کہ اس دورے سے دونوں ممالک کے درمیان باہمی تعاون، باہمی اعتماد اور علاقائی سیکیورٹی کے حوالے سے تعاون کو فروغ ملے گا اور دونوں کے اسٹریٹجک تعلقات میں مزید مضبوطی آئے گی۔
کئی اعلیٰ سطحی ملاقاتیں متوقع
سری لنکا کی فوج کے کمانڈر کے اس دورے کے دوران ہندوستانی فوج کے ساتھ مختلف سطحوں پر ملاقاتیں شامل ہیں۔ ساتھ ہی کئی فوجی مشترکہ پروگرام بھی اس دورے کا حصہ ہوں گے، جس سے دونوں ممالک کی فوجوں کے درمیان اسٹریٹجک ڈائیلاگ اور باہمی تال میل کو فروغ ملے گا۔
لیفٹیننٹ جنرل روڈریگو کا یہ دورہ ہندوستان اور سری لنکا کی افواج کے درمیان مشترکہ اقدار اور تزویراتی مفادات پر مبنی مضبوط، مستقبل پر مبنی شراکت داری کی جانب ایک اہم سنگ میل مانا جا رہا ہے۔ یہ دورہ نہ صرف دوطرفہ فوجی تعلقات کو ایک نئی سمت دے گا بلکہ بحر ہند کے خطے میں مشترکہ سیکورٹی مفادات پر تعاون کو بھی تیز کرے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
