میگھالیہ پولیس کا بڑا انکشاف
راجہ رگھوونشی قتل کیس: راجہ رگھوونشی قتل کیس کے پانچوں ملزمان کو شیلانگ کی عدالت میں پیش کیا جانا ہے۔ اس سے ٹھیک پہلے میگھالیہ پولیس نے ایک بڑا انکشاف کیا ہے۔ میگھالیہ پولیس نے کہا ہے کہ راجہ کی بیوی سونم نے قتل کا اعتراف کر لیا ہے۔ سونم کے ساتھ راج کشواہا کو بھی اہم ملزم بنایا گیا ہے۔ اس کے ساتھ مزید تین ملزمان کو بھی عدالت میں پیش کیا جائے گا۔
میگھالیہ پولیس کی جانب سے شیلانگ کے ایس پی وویک اسیم نے کہا کہ جب ایس آئی ٹی تشکیل دی گئی تو ہم نے تمام شواہد کی جانچ کی، ہمارے پاس کافی ڈیٹا موجود تھے، جب ہم نے سب کچھ چیک کیا تو تصویر واضح ہوگئی، لیکن اس کے بارے میں کئی نیرٹیو بن رہے تھے۔ کچھ اسے اغوا اور کچھ ڈکیتی کہہ رہے تھے، خاندان والے بھی یہی سوچ رہے تھے۔ ہمارے پاس کچھ ثبوت تھے کہ وہ واردات کی جگہ سے نک گئی تھی۔
عدالت سے 10 روزہ ریمانڈ کی مانگے گی پولیس
راجہ رگھوونشی قتل کیس کے تمام ملزمان کو بدھ کی دوپہر شیلانگ کی عدالت میں پیش کیا جائے گا۔ شیلانگ پولیس عدالت سے 10 دن کا ریمانڈ مانگے گی۔ پولیس ملزمان کو جائے وقوعہ پر لے جائے گی۔
سونم نے ’ڈبل ڈیکر برج‘ جانے کے لیے چنا تھا مشکل راستہ
سونم نے راجہ سے ڈبل ڈیکر پل گھومنے کے لیے کہا تھا۔ یہاں جانے کے دو راستے ہیں۔ پولیس کا کہنا تھا کہ سونم نے مشکل راستہ چنا اور آسان راستہ چھوڑ دیا۔ سونم نے اعتراف کیا ہے کہ وہ اس واقعے میں پوری طرح ملوث تھی۔ پولیس کا کہنا ہے کہ فی الحال یہ معاملہ لو اینگل کا لگتا ہے۔
آپ کو بتا دیں کہ سونم کا بھائی بدھ کے روز راجہ کے گھر والوں کے پاس پہنچا۔ اس نے کہا کہ راج کشواہا ان پڑھ ہے اور ہمارے ہاں بس کام کرتا تھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
