بدھ کے روز دہلی میٹرو کی میجنٹا لائن پر الیکٹرک سگنل فیل ہونے کی وجہ سے مسافروں کو شدید مشکلات کا سامنا کرنا پڑا۔ کئی اسٹیشنوں پر ٹرینیں وقت پر نہیں پہنچ سکیں، جس سے لوگوں میں ناراضگی دیکھی گئی۔ باقی تمام لائنوں پر خدمات معمول کے مطابق جاری رہیں۔
ٹرینیں رکی رہیں، انتظار بڑھا
ہاؤز خاص سے بوٹینیکل گارڈن جانے والی ٹرین تقریباً آدھے گھنٹے تک رکی رہی۔ اسٹیشن پر نصب الیکٹرانک بورڈ پر اگلی ٹرین کا وقت 129 منٹ دکھایا جا رہا تھا، جس سے مسافروں کی پریشانی مزید بڑھ گئی۔
ڈی ایم آر سی کا بیان
ڈی ایم آر سی نے اپنے آفیشل ایکس اکاؤنٹ پر پوسٹ کرتے ہوئے بتایا کہ کالکاجی مندر سے بوٹینیکل گارڈن کے درمیان سگنلنگ کی خرابی کے باعث خدمات متاثر ہوئیں۔ تاہم باقی تمام لائنوں پر آپریشن معمول کے مطابق رہا۔
آٹو میٹک بیریئر کی خرابی
کئی اسٹیشنوں پر گیٹ تو کھل رہے تھے، لیکن آٹو میٹک بیریئر نہ کھلنے کی وجہ سے مسافر ٹرین میں نہ چڑھ سکے اور نہ اتر سکے۔ اس دوران ٹرین کی رفتار بھی بہت کم رہی اور تقریباً 30 منٹ میں صرف دو اسٹیشن کا فاصلہ طے ہو سکا۔
سوشل میڈیا پر شکایات
مسافروں نے سوشل میڈیا پر تصاویر اور ویڈیوز شیئر کیں جن میں کوچز کے اندر بیٹھے لوگ اور اسٹیشنوں پر بھیڑ واضح نظر آئی۔ اسکرین بورڈ پر “ڈیلی” لکھا ہوا دکھائی دیا اور پیغام میں بتایا گیا کہ خدمات تاخیر سے چل رہی ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
