نئی دہلی: سونا اور چاندی خریدنے والوں کے لیے خوشخبری ہے۔ جمعرات کو قیمتی دھاتوں کی قیمتوں میں نمایاں کمی درج کی گئی، جس سے خریداروں کو بڑی راحت ملی ہے۔ انڈیا بلین جیولرس ایسوسی ایشن (IBJA) کے مطابق، 24 قیراط سونے کی قیمت 1,672 روپے کم ہو کر 1,55,650 روپے فی 10 گرام رہ گئی ہے، جو اس سے پہلے 1,57,322 روپے فی 10 گرام تھی۔
مختلف قیراط میں سونے کے تازہ دام
22 قیراط سونا: 1,44,107 روپے سے کم ہو کر 1,42,575 روپے فی 10 گرام
18 قیراط سونا: 1,17,992 روپے سے گھٹ کر 1,16,738 روپے فی 10 گرام
چاندی بھی ہوئی سستی
چاندی کی قیمت میں بھی بڑی گراوٹ دیکھنے میں آئی۔ چاندی 7,316 روپے سستی ہو کر 2,59,133 روپے فی کلو ہو گئی، جو پہلے 2,66,449 روپے فی کلو تھی۔ آئی بی جے اے کی جانب سے سونے اور چاندی کے تازہ دام دن میں دو مرتبہ جاری کیے جاتے ہیں — ایک بار دوپہر 12 بجے اور دوسری بار شام 5 بجے۔
فیوچر مارکیٹ میں بھی کمی
اسپاٹ مارکیٹ کے ساتھ ساتھ فیوچر مارکیٹ میں بھی قیمتوں میں گراوٹ درج کی گئی۔ 2 اپریل 2026 سونے کا کنٹریکٹ 0.47 فیصد کمی کے ساتھ 1,58,055 روپے۔ 5 مارچ 2026 چاندی کا کنٹریکٹ 1.83 فیصد کمی کے ساتھ 2,58,192 روپے۔ بین الاقوامی مارکیٹ میں سونے اور چاندی میں مخلوط رجحان دیکھنے کو ملا۔ خبر لکھے جانے تک سونا 5,100 ڈالر فی اونس پر مستحکم اور چاندی تقریباً ایک فیصد کمی کے ساتھ 83 ڈالر فی اونس رہی۔
قیمتوں میں گراوٹ کی وجہ کیا؟
ایل کے پی سکیورٹیز کے جتن ترویدی کے مطابق امریکہ کے نان فارم پے رول ڈیٹا کے توقع سے بہتر آنے کے باعث سونے کی قیمتوں میں دباؤ دیکھا گیا ہے۔ انہوں نے بتایا ایم سی ایکس پر سونے کی سپورٹ سطح 1,56,000 روپے۔ مزاحمتی سطح 1,60,000 روپے۔ اب بازار کی نظریں امریکہ سے جاری ہونے والے سی پی آئی (CPI) ڈیٹا پر مرکوز ہیں، جو جمعہ کی شام جاری ہوگا اور اسی سے سونے کی آئندہ سمت طے ہوگی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
