اتر پردیش کے ایودھیا میں رام مندر کے پروہت آچاریہ ستیندر داس بدھ 12 فروری کو انتقال کر گئے۔ اسپتال نے اس سلسلے میں جانکاری دی ہے۔ برین ہیمرج کے بعد وہ لکھنؤ کے پی جی آئی میں زیر علاج تھے۔اسپتال کی طرف سے جاری ایک پریس ریلیز میں کہا گیا ہے کہ ایودھیا رام مندر کے چیف پجاری ستیندر داس نے آج آخری سانس لی۔ انہیں دورہ پڑنے کے بعد 3 فروری کو تشویشناک حالت میں نیورولوجی وارڈ کے ایچ ڈی یو میں داخل کرایا گیا تھا۔ آچاریہ ستیندر داس نے 85 سال کی عمر میں آخری سانس لی۔ آچاریہ ستیندر داس 3 فروری سے اسپتال میں داخل تھے۔
رام جنم بھومی مندر-ایودھیا کے چیف پجاری، جنہیں ‘برین اسٹروک’ کی وجہ سے سنجے گاندھی پوسٹ گریجویٹ انسٹی ٹیوٹ آف میڈیکل سائنسز (SGPGI) میں داخل کرایا گیا تھا، نے وہاں آخری سانس لی۔ ایودھیا کے رام جنم بھومی مندر کے چیف پجاری مہنت ستیندر داس (85) کو 3 فروری کو لکھنؤ کے سنجے گاندھی پوسٹ گریجویٹ انسٹی ٹیوٹ آف میڈیکل سائنسز برین اسٹروک کی وجہ سے طبیعت خراب ہونے کے بعد داخل کرایا گیا تھا۔ ایس جی پی جی آئی نے ایک بیان میں کہاکہ ستیندر داس کوبرین اسٹروک ہوا تھا۔ وہ ذیابیطس اور ہائی بلڈ پریشر میں مبتلا تھے اور فی الحال نیورولوجی آئی سی یو میں داخل تھے، پی جی آئی انتظامیہ کے ایک اہلکار نے بتایا کہ انہوں نے صبح پی جی آئی میں آخری سانس لی۔
परम रामभक्त, श्री राम जन्मभूमि मंदिर, श्री अयोध्या धाम के मुख्य पुजारी आचार्य श्री सत्येन्द्र कुमार दास जी महाराज का निधन अत्यंत दुःखद एवं आध्यात्मिक जगत की अपूरणीय क्षति है। विनम्र श्रद्धांजलि!
प्रभु श्री राम से प्रार्थना है कि दिवंगत पुण्यात्मा को अपने श्री चरणों में स्थान दे…
— Yogi Adityanath (@myogiadityanath) February 12, 2025
وزیراعلیٰ یوگی آدتیہ ناتھ نے کی تعزیت
سی ایم یوگی آدتیہ ناتھ نے آچاریہ ستیندر داس کے انتقال پر ردعمل ظاہر کیاہے۔ انہوں نے سوشل میڈیا سائٹ ایکس پر لکھا، آچاریہ ستیندر کمار داس جی مہاراج، بھگوان رام کے سب سے بڑے بھکت اور رام جنم بھومی مندر کے چیف پجاری کا انتقال انتہائی افسوسناک اور سماجی اور روحانی دنیا کے لیے ایک ناقابل تلافی نقصان ہے۔ انہیں عاجزانہ خراج عقیدت!
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
