راجستھان کے وزیراعلیٰ بھجن لال شرما نے پیر کے روز دہلی پہنچنے کے بعد وزیراعظم نریندر مودی سے ملاقات کی۔ یہ ملاقات دیوالی کے بعد دونوں رہنماؤں کے درمیان پہلی رسمی ملاقات تھی۔ بھجن لال شرما نے سوشل میڈیا پلیٹ فارم ’ایکس‘ پر ایک پوسٹ میں لکھا: ’’آج نئی دہلی میں ترقی یافتہ بھارت کے معمار، عزت مآب وزیراعظم نریندر مودی جی سے ملاقات کا موقع ملا۔ ان کی شفقت بھری دعائیں اور رہنمائی ہمیشہ عوامی خدمت کے راستے پر آگے بڑھنے کی ترغیب دیتی ہیں۔‘‘ انہوں نے مزید کہا کہ وزیر اعظم کے بصیرت افروز قیادت میں ریاستی حکومت راجستھان کی ہمہ جہت ترقی اور عوامی فلاح و بہبود کے لیے پوری طرح پرعزم ہے۔
आज नई दिल्ली में विकसित भारत के शिल्पकार, यशस्वी प्रधानमंत्री श्री @narendramodi जी से शिष्टाचार भेंट कर उनका स्नेहिल आशीर्वाद तथा प्रेरणादायी मार्गदर्शन प्राप्त करने का सौभाग्य प्राप्त हुआ।
प्रधानमंत्री जी का सानिध्य सदैव जनसेवा के पथ पर आगे बढ़ने की प्रेरणा देता है। उनके… pic.twitter.com/I5jK1J6AS4
— Bhajanlal Sharma (@BhajanlalBjp) October 27, 2025
دیگر مرکزی وزرا سے ملاقاتوں کا امکان
ذرائع کے مطابق وزیراعلیٰ شرما اپنے دہلی دورے کے دوران کئی مرکزی وزرا سے بھی ملاقات کر سکتے ہیں تاکہ ریاستی منصوبوں اور تعاون سے متعلق امور پر تبادلہ خیال کیا جا سکے۔
تعاون مہم کا آغاز
اس سے قبل وزیراعلیٰ بھجن لال شرما نے 2 اکتوبر کو جے پور میں کوآپریٹیو ممبرشپ مہم (Co-operative Membership Campaign) کا آغاز کیا تھا۔ اس موقع پر انہوں نے نئی دیہی سروس کوآپریٹیو سوسائٹیوں کو اسناد اور بے زمین سوسائٹیوں کو زمین کی الاٹمنٹ کے سرٹیفکیٹ دیے۔ تقریب میں ایپکس اور کنفیڈ کی طرف سے منافع کے چیک بھی علامتی طور پر تقسیم کیے گئے۔
خواتین اور کسانوں کی بھرپور شرکت
اس پروگرام میں مویشی پروری و ڈیری کے وزیر زورارم کماوت، وزیر مملکت برائے کو-آپریشن (آزادانہ چارج) گوتم کمار ڈاک، سینئر افسران، خواتین اور بڑی تعداد میں کسان شریک ہوئے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
