کانگریس کے سابق صدر راہل گاندھی۔ (فائل فوٹو)
نئی دہلی: کانگریس کے سینئر رہنما اور لوک سبھا میں قائدِ حزب اختلاف راہل گاندھی نے بدھ کے روز قومی دارالحکومت دہلی میں انتظامی ناکامیوں پر سخت تنقید کی۔ انہوں نے شدید سیوریج اوور فلو کے باعث مبارک پور ڈاباس کے شرما انکلیو علاقے میں پانی بھر جانے کی ویڈیو شیئر کرتے ہوئے کہا کہ ملک بھر میں ’’لالچ کی وبا‘‘ پھیل چکی ہے۔ راہل گاندھی نے کہا کہ آج ایک عام ہندوستانی کی زندگی بھی اسی طرح عذاب بن چکی ہے جیسی صورتحال دہلی کے اس علاقے میں دیکھی جا رہی ہے۔ انہوں نے الزام لگایا کہ نظام اقتدار میں بیٹھے لوگوں کے ہاتھ فروخت ہو چکا ہے اور عوام کو کچلا جا رہا ہے۔
سوشل میڈیا پر سخت پیغام
سوشل میڈیا پلیٹ فارم ایکس پر پوسٹ کرتے ہوئے راہل گاندھی نے لکھا: ’’ہر کوئی ایک دوسرے کی پیٹھ تھپتھپا رہا ہے اور مل کر عوام کو روند رہا ہے۔ ملک بھر میں لالچ کی ایک وبا پھیل چکی ہے، جس کی سب سے بھیانک شکل شہروں کی بربادی ہے۔ ہمارا سماج اس لیے مر رہا ہے کہ ہم نے اس گندگی کو ’نیا معمول‘ مان لیا ہے بے حس، خاموش اور لاتعلق۔ جوابدہی کا مطالبہ کریں، ورنہ یہ گندگی ہر دروازے تک پہنچ جائے گی۔‘‘
हर आम भारतीय की ज़िंदगी आज ऐसी ही नर्क की यातना बन गई है।
सिस्टम सत्ता के सामने बिक चुका है। सब एक-दूसरे की पीठ थपथपाते हैं और मिलकर जनता को रौंदते हैं।
देश में लालच की महामारी फैल चुकी है, शहरी सड़न जिसका सबसे डरावना चेहरा है।
हमारा समाज इसलिए मर रहा है क्योंकि हमने इस सड़न… pic.twitter.com/qtDGEg3C7a
— Rahul Gandhi (@RahulGandhi) January 21, 2026
شرما انکلیو میں سیوریج کا قہر
راہل گاندھی کی جانب سے شیئر کی گئی ویڈیو میں ایک مقامی صحافی شرما انکلیو کے بڑے حصے میں سیوریج کے پانی سے بھری سڑکوں اور گلیوں کی حالت دکھاتا نظر آتا ہے۔ ویڈیو میں مقامی باشندے خود حالات سے نمٹتے دکھائی دیتے ہیں اور بتاتے ہیں کہ گزشتہ 6 سے 8 ماہ میں صورتحال مزید بدتر ہو چکی ہے۔ ویڈیو میں مقامی لوگوں نے صحافیوں کو بتایا کہ گلیوں میں پانی بھرنے کے باعث آمدورفت مشکل ہو چکی ہے، جبکہ حکومت کی جانب سے اب تک کوئی ٹھوس قدم نہیں اٹھایا گیا۔ مکینوں نے انتظامیہ سے فوری مدد اور نکاسی آب و صفائی کے مسائل حل کرنے کا مطالبہ کیا۔
دہلی کانگریس صدر دیویندر یادو کا دورہ
ادھر دہلی پردیش کانگریس کمیٹی (ڈی پی سی سی) کے صدر دیویندر یادو نے کراری اسمبلی حلقہ کا دورہ کیا، جہاں شدید آبی جماؤ نے عوام کی روزمرہ زندگی کو متاثر کر رکھا ہے۔ دورے کے دوران انہوں نے مقامی لوگوں سے ملاقات کر کے زمینی صورتحال کا جائزہ لیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
