پلوامہ دہشت گردانہ حملے کے ماسٹرمائنڈ میں سے ایک اورپاکستان کے موسٹ وانٹیڈ مشتبہ دہشت گرد حمزہ برہان کا گولی مارکرقتل کردیا گیا ہے۔ میڈیا میں آئی خبروں کے مطابق، پاکستان کے مظفرآباد میں نامعلوم حملہ آورنے حمزہ برہان کوگولی ماردی، جس سے وہ موقع پرہی جاں بحق ہوگیا۔ ذرائع کے مطابق، حمزہ کے قتل کے لئے حملہ آورنے اسے کئی گولیاں ماری ہیں۔
حمزہ البدرکا ٹاپ کمانڈرتھا اوراس کا پورا نام ارجمند گلزارڈارعرف ڈاکٹرتھا۔ سیکورٹی ایجنسیوں کے مطابق وہ لمبے وقت سے ہندوستان مخالف دہشت گردانہ سرگرمیوں میں شامل تھا اور جنوبی کشمیرمیں نوجوانوں کوشدت پسندی کی طرف دھکیلنے والے اہم چہروں میں شمارکیا جاتا تھا۔ وہیں حمزہ کا قتل کرنے والے ملزم شخص کومقامی لوگوں نے پکڑکرپولیس کے حوالے کر دیا ہے۔ ملزم شخص سے متعلق ابھی کوئی جانکاری سامنے نہیں آئی ہے۔
موسٹ وانٹیڈ فہرست میں شامل تھا حمزہ
ارجمند گلزاربنیادی طورپرجموں وکشمیرکے پلوامہ ضلع کے رتنی پورا علاقے کا رہنے والا تھا۔ بتایا جاتا ہے کہ وہ تقریباً 7 سال پہلے قانونی دستاویزوں کے ذریعہ پاکستان گیا تھا، جہاں اس نے دہشت گرد تنظیم البدرمیں شمولیت اختیارکرلی۔ بعد میں وہ تنظیم کا آپریشنل کمانڈربن گیا اورپاکستان سے بیٹھ کرکشمیرمیں دہشت گردوں کی بھرتی، فنڈنگ اورہتھیاروں کی سپلائی کا نیٹ ورک چلانے لگا۔ بھارتی سیکورٹی ایجنسیوں نے اسے طویل عرصے سے انتہائی مطلوب فہرست میں رکھا ہوا تھا۔ ہندوستانی وزارت داخلہ نے اسے 2022 میں باضابطہ طورپردہشت گرد نامزد کیا۔ وزارت کے مطابق، وہ پلوامہ اورجنوبی کشمیرمیں دہشت پھیلانے، نوجوانوں کودہشت گرد تنظیموں میں بھرتی کرنے اوردہشت گردی کے لئے فنڈزاکٹھا کرنے میں سرگرم تھا۔
ڈیجیٹل ریڈیکلائزیشن ماڈل کا حصہ تھا حمزہ
پلوامہ وادی کشمیرمیں دہشت گردانہ سرگرمیوں کا حساس مرکزرہا ہے۔ اس علاقے سے کئی چہرے دہشت گرد کے طورپر سامنے آئے، جن میں برہان وانی کا نام بھی شامل رہا، جس نے سوشل میڈیا کے ذریعہ نوجوانوں کوشدت پسندی کی طرف سے متاثرکیا تھا۔ ارجمند گلزارکو بھی اسی ڈیجیٹل شدت پسند ماڈل کا حصہ مانا جاتا ہے، جس میں سوشل میڈیا اورمقامی نیٹ ورک کے ذریعہ نوجوانوں کو ہتھیاراٹھانے کے لئے اکسایا جاتا تھا۔ سیکورٹی ایجنسیوں کے مطابق، ارجمند گلزارکا نیٹ ورک پلوامہ، شوپیاں اوراونتی پورہ علاقوں میں سرگرم تھا۔ اس پرالزام تھا کہ وہ پاکستان سے بیٹھ کرمقامی اوورگراونڈ ورکرس کے ذریعہ ہتھیار، فنڈنگ اوردہشت گردانہ احکامات پرپہنچاتا تھا۔ کئی معاملوں میں اس کا نام دھماکہ خیزاشیا کی برآمدگی، گرینیڈ حملوں اوردہشت گردانہ سرگرمیوں سے جڑا پایا گیا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
