نئی دہلی: سشستر سیما بل (ایس ایس بی) کے یومِ تاسیس کے موقع پر وزیر اعظم نریندر مودی نے فورس کے بہادر جوانوں کو مبارکباد پیش کرتے ہوئے ان کے ناقابلِ تسخیر حوصلے، فرض شناسی اور ملک کے تئیں بے مثال وابستگی کو سلام پیش کیا۔ وزیر اعظم نے کہا کہ ایس ایس بی کے جوان ملک کی سرحدوں کے محافظ ہی نہیں بلکہ قومی سلامتی کے مضبوط ستون بھی ہیں، جو ہر مشکل حالات میں اپنی ذمہ داریاں نبھاتے ہیں۔
وزیر اعظم نریندر مودی نے اپنے سرکاری ایکس ہینڈل پر پیغام جاری کرتے ہوئے کہا کہ سشستر سیما بل کی خدمات اور قربانیاں ملک کی سلامتی کے نظام کی مضبوط بنیاد ہیں۔ انہوں نے کہا کہ چاہے دشوار گزار جغرافیائی حالات ہوں یا سخت موسمی چیلنجز، ایس ایس بی کے جوان مکمل چوکسی اور فرض شناسی کے ساتھ سرحدوں کی حفاظت کرتے ہیں۔ وزیر اعظم نے فورس کے روشن مستقبل اور آئندہ ذمہ داریوں کے لیے بھی نیک تمناؤں کا اظہار کیا۔
On the Raising Day of the Sashastra Seema Bal, I extend my greetings to all personnel associated with this force. SSB’s unwavering dedication reflects the highest traditions of service. Their sense of duty remains a strong pillar of our nation’s safety. From challenging terrains… pic.twitter.com/ic6CEYt3Kw
— Narendra Modi (@narendramodi) December 20, 2025
مرکزی سڑک ٹرانسپورٹ اور شاہراہوں کے وزیر نتن گڈکری نے بھی ایس ایس بی کے یومِ تاسیس پر جوانوں کو مبارکباد دی۔ انہوں نے اپنے پیغام میں کہا کہ قوم کی خدمت کے لیے ہمہ وقت تیار رہنا سشستر سیما بل کی پہچان ہے۔ گڈکری نے کہا کہ ملک ایس ایس بی کے جوانوں کی خدمات کا ہمیشہ مقروض رہے گا، جنہوں نے سرحدی سلامتی میں نمایاں کردار ادا کیا ہے۔
مرکزی وزیر زراعت اور مدھیہ پردیش کے سابق وزیر اعلیٰ شیوراج سنگھ چوہان نے بھی ایس ایس بی کے جوانوں کو خراجِ تحسین پیش کیا۔ انہوں نے کہا کہ ماں بھارتی کی سرحدوں کی حفاظت کے لیے ہر لمحہ تیار رہنے والے ایس ایس بی کے جوانوں کی وفاداری، خدمت اور قربانی پورے ملک کے لیے تحریک کا ذریعہ ہے۔ انہوں نے جوانوں کے حوصلے اور حب الوطنی کی ستائش کرتے ہوئے دل کی گہرائیوں سے مبارکباد دی۔
اڈیشہ کے گورنر ڈاکٹر ہری بابو کمبھم پتی نے ایس ایس بی کے 62ویں یومِ تاسیس کے موقع پر فورس کے شجاعت، قربانی اور بے لوث خدمات کو سلام کیا۔ انہوں نے کہا کہ فرض کے تئیں ایس ایس بی کے جوانوں کی وابستگی پورے ملک کو متاثر کرتی ہے اور سرحدی سلامتی میں ان کا کردار انتہائی اہم ہے۔ اتر پردیش کے وزیر اعلیٰ یوگی آدتیہ ناتھ نے بھی ایس ایس بی کو خدمت، تحفظ اور قربانی کی علامت قرار دیا۔ انہوں نے جوانوں اور ان کے اہلِ خانہ کو مبارکباد دیتے ہوئے کہا کہ ملک کی وحدت، سالمیت اور خودمختاری کے تحفظ میں ایس ایس بی کا تعاون بے مثال ہے۔ وزیر اعلیٰ نے فورس کے تمام اہلکاروں کے روشن مستقبل کے لیے نیک خواہشات کا اظہار کیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
