نئی دہلی: وزیراعظم نریندر مودی نے ہماچل پردیش کے وزیر اعلیٰ سکھویندر سنگھ سکھو کو ان کے یومِ پیدائش پر مبارکباد دیتے ہوئے ان کی درازیٔ عمر اور بہترین صحت کی دعا کی ہے۔
وزیراعظم مودی کی مبارکباد
وزیراعظم مودی نے سوشل میڈیا پلیٹ فارم ’ایکس‘ پر لکھا، ’’ہماچل پردیش کے وزیر اعلیٰ سکھویندر سنگھ سکھو کو ان کے یومِ پیدائش پر دلی مبارکباد۔ میں دعا کرتا ہوں کہ انہیں طویل عمر اور اچھی صحت نصیب ہو۔‘
راجناتھ سنگھ کی نیک خواہشات
مرکزی وزیر دفاع راجناتھ سنگھ نے بھی وزیر اعلیٰ سکھو کو مبارکباد دیتے ہوئے ’ایکس‘ پر لکھا، ’ہماچل پردیش کے وزیر اعلیٰ سکھویندر سنگھ سکھو کو یومِ پیدائش کی دلی مبارکباد۔ ہم ان کی اچھی صحت اور درازیٔ عمر کی خواہش کرتے ہیں۔‘
راہل گاندھی کی نیک خواہشات
کانگریس رکن پارلیمنٹ اور لوک سبھا میں قائد حزب اختلاف راہل گاندھی نے بھی سکھویندر سنگھ سکھو کو مبارکباد دی۔ انہوں نے اپنی پوسٹ میں لکھا، ’’ہماچل پردیش کے وزیر اعلیٰ سکھویندر سنگھ سکھو کو یومِ پیدائش کی دلی مبارکباد۔ آپ کی خوشحال اور صحت مند زندگی کی دعا کرتا ہوں۔ امید ہے کہ ہماچل پردیش ترقی کی راہ پر مسلسل آگے بڑھتا رہے گا۔‘‘
سی ایم سکھو نے مہم کا کیا آغاز
وزیر اعلیٰ سکھویندر سنگھ سکھو نے سوشل میڈیا پلیٹ فارم ’ایکس‘ پر بتایا کہ اپنے یومِ پیدائش کے موقع پر انہوں نے کانگریس لیڈر ڈاکٹر پشپیندر ورما کی مہم ’ایک جنگ — نشے کے خلاف‘ کا باضابطہ آغاز کیا۔ اس موقع پر بھورنج اسمبلی حلقے کے مقبول رکن اسمبلی سریش کمار بھی موجود تھے۔
انہوں نے اس اقدام کے لیے ڈاکٹر پشپیندر ورما کا شکریہ ادا کرتے ہوئے کہا کہ ہمیں مل کر ’چِٹّا‘ کے مسئلے کو جڑ سے ختم کرنا ہے اور ہماچل پردیش کو نشہ سے پاک ریاست بنانا ہے۔
سکھو نے ادا کیا عوام کا شکریہ
وزیر اعلیٰ سکھو نے کہا کہ یومِ پیدائش پر عوام کی جانب سے موصول ہونے والی بے شمار مبارکبادوں اور محبت نے انہیں بے حد خوشی دی ہے۔ انہوں نے کہا کہ عوام کی محبت اور اعتماد ان کے لیے سب سے بڑی دولت ہے اور یہی انہیں مزید عزم کے ساتھ عوامی خدمت کے لیے حوصلہ دیتی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
