وزیراعظم نریندر مودی نے سانسد کھیل مہاکمبھ کا آغاز کیا۔
Sansad Khel Mahakumbh: وزیراعظم نریندر مودی نے بدھ کے روز شہید ستیہ وان سنگھ اسٹیڈیم میں منعقدہ سنسد کھیل مہاکمبھ 2022-23 کا ورچوئل طریقے سے جڑکر افتتاح کیا۔ اس موقع پر وزیراعلیٰ یوگی آدتیہ ناتھ بھی موجود رہے۔ پروگرام کو خطاب کرتے ہوئے وزیر اعظم نریندر مودی نے کہا کہ کبھی کھیل کود کو صرف ٹائمس پاس کا ذریعہ مانا جاتا تھا، مگر آج اسے لے کر ملک کا نظریہ بدل گیا ہے۔
سانسد کھیل مہاکمبھ (Sansad Khel Mahakumbh) کے افتتاحی تقریب کو خطاب کرتے ہوئے وزیراعظم نریندر مودی نے کہا کہ اب زیادہ بچے اور نوجوان اسپورٹس کو کیریئر کے طور پر دیکھنے لگے ہیں۔ والدین بھی کھیلوں کو سنجیدگی سے لینے لگے ہیں۔ کھیلوں کو اب ایک سماجی وقار ملنے لگا ہے۔ لوگوں کی سوچ میں آئی اس تبدیلی کا سیدھا فائدہ کھیل کے میدان میں ہندوستان کی حصولیابیوں پر نظرآرہا ہے۔
Second phase of Saansad Khel Mahakumbh begins today in Basti, UP. It is unique celebration of sports and sportsmanship. https://t.co/stCUJ8eoHw
— Narendra Modi (@narendramodi) January 18, 2023
انہوں نے کہا کہ یہ کھیل مہاکمبھ کھلاڑیوں کو نئی اڑان کا موقع دیں گے۔ ہندوستان کے تقریباً دو سو اراکین پارلیمنٹ اپنے یہاں ایسے کھیل مہاکمبھ کا انعقاد کر رہے ہیں۔ کھیل مقابلہ کرا کر سبھی اراکین پارلیمنٹ نئی نسل کا مستقبل روشن کرنے کا کام کر رہے ہیں۔ سانسد کھیل مہاکمبھ میں بہترین کارکردگی پیش کرنے والے نوجوان کھلاڑیوں کو اسپورٹس اتھارٹی آف انڈیا کے ٹریننگ سینٹر میں آگے کی ٹریننگ کے لئے منتخب کیا جا رہا ہے۔
وزیراعلیٰ یوگی آدتیہ ناتھ نے کہا کہ سانسد کھیل مہاکمبھ سے دیہی کھلاڑیوں کو موقع ملا ہے۔ وزیراعلیٰ نے کہا کہ وزیر اعظم مودی کی ترغیب سے شروع ہوئے سانسد کھیل مہاکمبھ کے ذریعہ آج ریاست میں دیہات کے نوجوان کھلاڑیوں کو موقع مل رہا ہے۔
انہوں نے بتایا کہ ریاست کے 59 ہزار گرام پنچایت میں حکومت کی طرف سے کھیل کا میدان بنایا جا رہا ہے۔ سانسد کھیل مہاکمبھ کے دوسرے مرحلے کا انعقاد بستی سے لوک سبھا رکن پارلیمنٹ ہریش دویدی کے ذریعہ کیا جا رہا ہے۔ اس کے پہلے مرحلے کا انعقاد 10 دسمبر سے 16 دسمبر، 2022 کے دوران کیا گیا اور دوسرے مرحلے کا انعقاد 18 جنوری سے 28 جنوری، 2023 کے دوران کیا جا رہا ہے۔
‘सांसद खेल महाकुंभ’ जमीनी स्तर पर खिलाड़ियों को प्रोत्साहित करने का एक सशक्त माध्यम बना है… pic.twitter.com/B3D1PlsXUq
— Yogi Adityanath (@myogiadityanath) January 18, 2023
وزیراعلیٰ یوگی آدتیہ ناتھ نے میدان میں ہاکی اسٹکس سے بال کو فارورڈ کرکے کھیلوں کا افتتاح کیا گیا۔ انہوں نے کہا کہ گزشتہ 8 سالوں میں ملک اور دنیا نے نئے بھارت کو دیکھا ہے۔ بدلتے ہوئے ہندوستان نے دنیا کے سامنے ہر میدان میں اپنی طاقت کا احساس کرایا ہے۔
-بھارت ایکسپریس
