وزیر اعظم نریندر مودی نے اٹلی کے وزیر اعظم جارجیا میلونی سے فون پر بات کی ہے۔اس ٹیلی فونک گفتگو کے دوران وزیر اعظم نریندر مودی نے جارجیا میلونی کو اٹلی کے یوم آزادی پر مبارکباد پیش کی ہے۔اوراٹلی میں جی سیون سربراہی اجلاس میں مدعو کرنے کے لیے وزیر اعظم نے ان کا شکریہ بھی ادا کیا ۔ اس دوران دونوں رہنماؤں نے اسٹریٹجک شراکت داری کو مزید مضبوط بنانے کے عزم کا اعادہ کیا۔انہوں نے باہمی دلچسپی کے علاقائی اور عالمی امور پر تبادلہ خیال کیا۔
Spoke with PM @GiorgiaMeloni and extended greetings as Italy celebrates its Liberation day today. Thanked her for the invite to the G7 Summit in June. Discussed taking forward #G20India outcomes at the G7. Reaffirmed commitment to deepening our Strategic Partnership.
— Narendra Modi (@narendramodi) April 25, 2024
پی ایم مودی نے اس گفتگو کے سلسلے میں جانکاری دیتے ہوئے سوشل میڈیا پلیٹ فارم ایکس پر لکھا کہ آج میں نے اٹلی کے وزیر اعظم جارجیا میلونی کے ساتھ ٹیلی فون پر بات چیت کی۔اس دوران میں نے یوم آزادی کی 79ویں سالگرہ کے موقع پر وزیر اعظم میلونی اور اٹلی کے عوام کو اپنی مبارکباد پیش کی۔انہوں نے پی ایم میلونی کا جون 2024 میں پگلیہ، اٹلی میں منعقد ہونے والے جی سیون سمٹ آؤٹ ریچ سیشنز میں مدعو کرنے پر شکریہ ادا کیا۔ قائدین نے ہندوستان کی جی 20صدارت کے اہم نتائج کو آگے بڑھانے پر تبادلہ خیال کیا، خاص طور پر جو کہ گلوبل ساؤتھ کی حمایت کرتے ہیں۔اس دوران انہوں نے دوطرفہ اسٹریٹجک پارٹنرشپ کو مضبوط بنانے کے لیے اپنے عزم کا اعادہ کیا۔
بھارت ایکسپریس۔
