وزیر اعظم نریندر مودی ان دنوں سوشل میڈیا پلیٹ فارم ’ایکس‘ (X، سابق ٹوئٹر) پر ایک منفرد انداز میں ملک کے عوام اور نوجوانوں سے رابطہ کر رہے ہیں۔ مسلسل چوتھے روز پی ایم مودی نے ہندوستان کی قدیم تہذیب اور ویدوں، پرانوں کی گہرائی کو اجاگر کرتے ہوئے ایک سنسکرت شلوک شیئر کیا ہے۔ اپنی تازہ پوسٹ میں انہوں نے بے غرض خدمت اور دوسروں کی بھلائی کو عظیم اور نیک لوگوں کی فطری خوبی قرار دیا ہے۔
’صاحبِ دل لوگ بے غرض ہو کر دوسروں کی بھلائی کرتے ہیں‘
اپنی نئی پوسٹ میں پی ایم مودی نے شلوک لکھا، ”کِم چندرماہ پرتی اپکار لِپسیایا کروتی گوبھِہ کُمُداو بودھنم…“اس کا ہندی مفہوم بیان کرتے ہوئے انہوں نے لکھا کہ جس طرح چاند کسی احسان یا بدلے کی خواہش کے بغیر اپنی کرنوں سے کمودنی کے پھول کو روشن کرتا ہے، اسی طرح عظیم اور وسیع القلب نیک لوگ بھی بغیر کسی ذاتی مفاد یا توقع کے دوسروں کی بھلائی کرتے ہیں، کیونکہ پرہِت اور پرمارتھ ان کی فطرت کا حصہ ہوتا ہے۔
قوم کی تعمیر، نوجوانوں کی طاقت اور علم کا پیغام
اس سے قبل بھی پی ایم مودی مسلسل تین دن علم اور ترغیب سے بھرپور سنسکرت شلوک شیئر کر چکے ہیں۔جمعرات: مادرِ وطن کو خراجِ عقیدت پیش کرتے ہوئے انہوں نے لکھا کہ دھرتی ماں ہمیشہ مضبوط اور مستحکم رہے اور ہم سب نیک اقدار سے پرورش پانے والی اپنی مادرِ وطن کی ہمیشہ خدمت کرتے رہیں۔بدھ: ”آتمودیہ پرجیانیر دویئم…“ شلوک کے ذریعے پی ایم مودی نے کہا کہ اپنی ذات کا ارتقا ہی حقیقی پالیسی ہے۔ روحانی اور ذاتی ترقی کے ذریعے ہی نوجوانوں کی طاقت ملک کی تعمیر میں مثبت کردار ادا کر رہی ہے۔منگل: بھگود گیتا کا شلوک ”ن ہِ گیانین سَدِرشَم پَوِترمِہ وِدّیتے…“ شیئر کرتے ہوئے انہوں نے نوجوانوں کو پیغام دیا کہ علم سے زیادہ پاکیزہ کوئی چیز نہیں اور مسلسل کوشش و ریاضت کے ذریعے ہی صلاحیتوں کو نکھارا جا سکتا ہے۔
نوجوانوں کے لیے ترغیب کا ذریعہ
وزیر اعظم مودی کی جانب سے سنسکرت شلوکوں کی یہ سیریز نہ صرف بھارتی ثقافت کے شاندار ورثے کو سوشل میڈیا کے ذریعے نئی نسل تک پہنچا رہی ہے بلکہ نوجوانوں کو مثبت سوچ، علم، حب الوطنی اور بے غرض خدمت کے راستے پر چلنے کی ترغیب بھی دے رہی ہے۔ سوشل میڈیا پر پی ایم مودی کے ان پیغامات کو کافی پذیرائی مل رہی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
