پی ایم مودی۔
بہار اسمبلی انتخابات 2025 کے پہلے مرحلے میں آج ریاست کے 18 اضلاع کی 121 نشستوں پر ووٹنگ ہو رہی ہے، جن میں 102 عام نشستیں اور 19 درج فہرست ذاتوں کے لیے مخصوص ہیں۔ پولنگ صبح سات بجے شروع ہوئی اور شام تک جاری رہے گی۔ اسی دوران وزیر اعظم نریندر مودی، وزیر دفاع راجناتھ سنگھ اور الیکشن کمیشن نے عوام سے پرجوش انداز میں ووٹ ڈالنے کی اپیل کی ہے۔
बिहार में आज लोकतंत्र के उत्सव का पहला चरण है। विधानसभा चुनावों में इस दौर के सभी मतदाताओं से मेरा आग्रह है कि वे पूरे उत्साह के साथ मतदान करें। इस मौके पर पहली बार वोट डालने जा रहे राज्य के अपने सभी युवा साथियों को मेरी विशेष बधाई। याद रखना है- पहले मतदान, फिर जलपान!
— Narendra Modi (@narendramodi) November 6, 2025
وزیر اعظم مودی کا ووٹروں کو پیغام
وزیراعظم نریندر مودی نے صبح سویرے سماجی رابطے کی ویب سائٹ ایکس پر پیغام جاری کرتے ہوئے بہار کے ووٹروں کو ان کے ’’جمہوری فرض‘‘ کی یاد دہانی کرائی۔ انہوں نے لکھا: ’’بہار میں آج جمہوریت کے تہوار کا پہلا مرحلہ ہے۔ اس مرحلے کے تمام ووٹروں سے میری درخواست ہے کہ وہ بھرپور جوش کے ساتھ ووٹ دیں۔ پہلی بار ووٹ ڈالنے والے نوجوانوں کو میری خاص مبارکباد۔ یاد رکھنا ہے— پہلے ووٹ، پھر جل پان!‘‘
الیکشن کمیشن اور راجناتھ سنگھ کی اپیل
الیکشن کمیشن نے بھی پوسٹ کے ذریعے عوام کا خیرمقدم کرتے ہوئے کہا کہ ’’بہار انتخابی عمل کے لیے پوری طرح تیار ہے، تمام ووٹروں کو پولنگ بوتھ پر خوش آمدید‘‘۔ اس کے علاوہ وزیر دفاع راجناتھ سنگھ نے بھی اپنے پیغام میں کہا کہ ’’یہ جمہوریت کا جشن ہے، سب لوگ بڑھ چڑھ کر حصہ لیں۔ پہلی بار ووٹ ڈالنے والے نوجوانوں کو ڈھیر ساری مبارکباد۔‘‘
बिहार विधानसभा चुनाव में आज पहले दौर की वोटिंग है। सभी मतदाताओं से मेरा आग्रह है कि वे लोकतंत्र के इस उत्सव में बढ़ चढ़ कर भाग लें। इस मौके पर पहली बार वोट करने जा रहे युवा मतदाताओं को बहुत-बहुत बधाई!
— Rajnath Singh (@rajnathsingh) November 6, 2025
دوسرے مرحلے کے لیے ’مشن بہار‘ تیز
پہلے مرحلے کی ووٹنگ کے ساتھ ہی وزیراعظم مودی نے دوسرے مرحلے کی انتخابی مہم کو رفتار دے دی ہے۔ آج وہ بھاگلپور کے ہوائی اڈہ میدان میں ایک بڑی ریلی سے خطاب کریں گے، جہاں بھاگلپور اور بانکا کی بارہ اسمبلی نشستوں کے ووٹر موجود ہوں گے۔ اس کے بعد وہ ارریہ کے فاربس گنج میں ایک اور ریلی کریں گے، جس میں نو اسمبلی حلقوں کے این ڈی اے امیدوار شریک ہوں گے۔ ان علاقوں میں 11 نومبر کو ووٹنگ ہونی ہے۔ ریلیوں کے بعد پی ایم مودی گیا جائیں گے اور 7 نومبر کو اورنگ آباد میں بھی ایک اہم عوامی جلسہ کریں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
