پی ایم مودی۔
نئی دہلی: پارلیمنٹ کے مانسون اجلاس میں ’آپریشن سندور‘ پر خصوصی بحث ہو رہی ہے۔ سیشن کے دوران وزیر دفاع راج ناتھ سنگھ اور وزیر خارجہ ایس جے شنکر نے تقریریں کیں اور ’آپریشن سندور‘ کی کامیابی اور دہشت گردی کے خلاف ہندوستان کے نقطہ نظر کو پیش کیا۔ وزیر اعظم نریندر مودی نے دونوں اعلیٰ لیڈران کی تقریر کی تعریف کی۔
پی ایم مودی نے پارلیمنٹ کے مانسون اجلاس میں ’آپریشن سندور‘ پر خصوصی بحث کے دوران وزیر دفاع راج ناتھ سنگھ کی تقریر کو بہترین قرار دیا۔ سوشل میڈیا پلیٹ فارم ‘X’ پر پوسٹ کرتے ہوئے، انہوں نے لکھا، ’’وزیر دفاع راج ناتھ سنگھ کی شاندار تقریر، جس میں انہوں نے آپریشن سندور میں ہندوستان کے سیکورٹی نظام کی کامیابی اور ہماری مسلح افواج کی ہمت پر ایک گہرا نقطہ نظر پیش کیا۔‘‘
An excellent speech by Raksha Mantri Rajnath Singh Ji, giving an insightful perspective on the success of India’s security apparatus and the courage of our armed forces in Operation Sindoor.@rajnathsingh https://t.co/P7wXYCyRXk
— Narendra Modi (@narendramodi) July 28, 2025
پی ایم مودی نے دہشت گردی کے خلاف ہندوستان کے نقطہ نظر کے بارے میں بتانے کے لئے وزیر خارجہ ایس جے شنکر کی بھی تعریف کی۔ انہوں نے ‘X’ پر لکھا، ’’وزیر خارجہ ڈاکٹر ایس جے شنکر کی تقریر بہترین تھی۔ انہوں نے اس بات پر روشنی ڈالی کہ کیسے نظر آپریشن سندور کے ذریعے دہشت گردی کے خطرے سے لڑنے میں ہندوستان کا نقطہ دنیا کے سامنے واضح طور پر آیا ہے۔‘‘
The speech by EAM Dr. Jaishankar Ji was outstanding. He highlighted how the world has clearly heard India’s perspective on fighting the menace of terrorism through Operation Sindoor.@DrSJaishankar https://t.co/2k7a1XLxSE
— Narendra Modi (@narendramodi) July 28, 2025
اس سے پہلے وزیر دفاع راج ناتھ سنگھ نے پارلیمنٹ کے مانسون اجلاس میں آپریشن سندور کی جامع کامیابی کے بارے میں بتایا۔ بھارتی افواج کی بہادری کی تعریف کرتے ہوئے انہوں نے دہشت گرد پاکستان کو سخت نشانہ بنایا۔
راج ناتھ سنگھ نے کہا، ’’ہماری تاریخ ہے کہ ہم نے کبھی کسی کی ایک انچ زمین پر قبضہ نہیں کیا، اگر شیر مینڈکوں کو مارے تو اس سے بہت اچھا پیغام نہیں جاتا۔ ہماری فوج شیر ہے، پاکستان جیسا، جو اپنے وجود کے لیے دوسروں پر منحصر ہو، اس سے مقابلے کا مطلب ہے اپنا معیار کم کرنا۔ ہماری پالیسی دہشت گردی کے خلاف موثر کارروائی کرنا ہے۔ ہمارا پاکستان سے اختلاف ان کی دہشت گردی کی پالیسی کی وجہ سے ہے۔‘‘
وہیں، وزیر خارجہ ایس جے شنکر نے پارلیمنٹ کے اجلاس کے دوران دہشت گردی کے خلاف ہندوستان کی زیرو ٹالرنس پالیسی کو ایک بار پھر واضح کیا۔ انہوں نے یہ بھی واضح کیا کہ ’آپریشن سندور‘ کے دوران وزیر اعظم نریندر مودی اور امریکی صدر ڈونالڈ ٹرمپ کے درمیان فون پر کوئی بات چیت نہیں ہوئی تھی۔
جے شنکر نے کہا، ’’22 اپریل سے 17 جون کے درمیان وزیر اعظم نریندر مودی اور امریکی صدر ڈونلڈ ٹرمپ کے درمیان کوئی فون کال نہیں ہوئی تھی۔‘‘ وزیر خارجہ نے ان قیاس آرائیوں کو بھی ختم کر دیا کہ آپریشن سندور کے دوران بین الاقوامی دباؤ کا کوئی کردار تھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
