وزیر اعظم نریندر مودی نے آج ویر ساورکرکو ان کے یوم پیدائش پر خراجِ عقیدت پیش کیا۔پی ایم مودی نے کہا:‘‘شکر گزار قوم آزادی کی تحریک میں ان کی بے مثال جرأت اور جدوجہد کو کبھی فراموش نہیں کر سکتی۔ ملک کے لیے ان کی قربانی اور لگن ایک ترقی یافتہ ہندوستان کی تعمیر میں ہماری رہنمائی کرتی رہے گی۔
भारत माता के सच्चे सपूत वीर सावरकर जी को उनकी जन्म-जयंती पर आदरपूर्ण श्रद्धांजलि। विदेशी हुकूमत की कठोर से कठोर यातनाएं भी मातृभूमि के प्रति उनके समर्पण भाव को डिगा नहीं पाईं। आजादी के आंदोलन में उनके अदम्य साहस और संघर्ष की गाथा को कृतज्ञ राष्ट्र कभी भुला नहीं सकता। देश के लिए… pic.twitter.com/3OsxSN905I
— Narendra Modi (@narendramodi) May 28, 2025
بھارت ماتا کے سچے سپوت ویر ساورکر جی کو ان کے یوم پیدائش پر ادب و احترام کے ساتھ خراجِ عقیدت۔غیر ملکی حکومت کے سخت ترین مظالم بھی مادرِ وطن کے تئیں ان کے جذبۂ قربانی کو متزلزل نہ کر سکے۔آزادی کی تحریک میں ان کے بے مثال حوصلے اور جدوجہد کی داستان کو شکر گزار قوم کبھی فراموش نہیں کر سکتی۔ملک کے لیے ان کی قربانی اور لگن ایک ترقی یافتہ ہندوستان کی تعمیر میں بھی مشعلِ راہ بنی رہے گی۔
وزیر اعظم مودی نے ساورکر کے نظریات اور ان کی انقلابی سرگرمیوں کو سراہا، جنہوں نے انگریزی راج کے خلاف مسلح جدوجہد کی تحریک کو مضبوط کیا۔ ساورکر نے اپنی کتابوں اور تحریروں کے ذریعے ہندوستانیوں میں قومیت کا جذبہ بیدار کیا اور کالاپانی جیسی سخت سزاؤں کا سامنا کیا۔ مودی نے کہا کہ ساورکر کی ہندوتوا کی فکر نے ہندوستان کی ثقافتی اور روحانی شناخت کو اجاگر کرنے میں اہم کردار ادا کیا۔مودی نے زور دیا کہ ساورکر کی قربانیوں کو ہندوستان کی نئی نسل تک پہنچانا ضروری ہے تاکہ وہ ان کے نظریات سے متاثر ہو سکیں۔ تاہم، ساورکر ایک متنازع شخصیت ہیں، کیونکہ ان کے ہندوتوا نظریات کو کچھ حلقوں میں فرقہ وارانہ طور پر دیکھا جاتا ہے۔ اس کے باوجود، مودی نے کہا کہ ساورکر کی جدوجہد اور بہادری ہندوستان کی آزادی کی تاریخ کا ایک ناقابل فراموش حصہ ہے، جو ہر ہندوستانی کے لیے فخر کا باعث ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
