بھارت کے سابق وزیر اعظم اور بھارت رتن اٹل بہاری واجپائی کی 101ویں یوم پیدائش کے موقع پر پورے ملک میں انہیں عقیدت و احترام کے ساتھ یاد کیا جا رہا ہے۔ اس موقع پر وزیر اعظم نریندر مودی نے جذباتی انداز میں اٹل جی کو خراج عقیدت پیش کرتے ہوئے کہا کہ وہ نہ صرف ایک عظیم مدبر سیاست داں تھے بلکہ اچھے طرزحکمرانی اور مضبوط قوم کی تعمیر کی ایک لازوال مثال بھی ہیں۔
وزیر اعظم مودی نے سوشل میڈیا پر اپنے پیغام میں کہا کہ اٹل بہاری واجپائی بھارت کے عوام کے دلوں میں ہمیشہ زندہ رہیں گے۔ انہوں نے اپنی پوری زندگی ملک کی خدمت، شفاف حکمرانی اور قومی مفاد کے لیے وقف کر دی۔ مودی نے کہا کہ اٹل جی ایک زبردست مقرر ہونے کے ساتھ ساتھ ایک حساس اور باکمال شاعر بھی تھے، جن کی شخصیت اور خیالات آنے والی نسلوں کو مسلسل رہنمائی فراہم کرتے رہیں گے۔
देशवासियों के हृदय में बसे पूर्व प्रधानमंत्री भारत रत्न अटल बिहारी वाजपेयी जी को उनकी जयंती पर सादर नमन। उन्होंने अपना संपूर्ण जीवन सुशासन और राष्ट्र निर्माण को समर्पित कर दिया। वे एक प्रखर वक्ता के साथ-साथ ओजस्वी कवि के रूप में भी सदैव स्मरणीय रहेंगे। उनका व्यक्तित्व, कृतित्व और… pic.twitter.com/lFUdCnm7cf
— Narendra Modi (@narendramodi) December 25, 2025
انہوں نے مزید کہا کہ اٹل بہاری واجپائی کی قیادت، ان کا طرزعمل اور ان کی سوچ بھارت کے ہمہ جہتی ترقی کے لیے مشعلِ راہ ہے۔ وزیر اعظم نے اٹل جی کی یادوں پر مبنی ایک ویڈیو بھی شیئر کی، جس میں ان کے سیاسی سفر اور قومی خدمات کوواضح کیا گیا ہے۔
ایک اور پیغام میں وزیر اعظم مودی نے کہا کہ اٹل جی کی جینتی ہم سب کے لیے ان کی زندگی سے سبق سیکھنے کا خاص موقع ہے۔ ان کی شائستگی، اخلاقی مضبوطی، نظریاتی استقامت اور قوم کو سب سے اوپر رکھنے کا عزم بھارتی سیاست کے لیے ایک اعلیٰ معیار ہے۔ انہوں نے کہا کہ اٹل جی نے اپنے عمل سے ثابت کیا کہ عظمت عہدے سے نہیں بلکہ کردار سے قائم ہوتی ہے، اور یہی کردار معاشرے کو صحیح سمت دیتا ہے۔
आदरणीय अटल जी की जन्म-जयंती हम सबके लिए उनके जीवन से प्रेरणा लेने का एक विशेष अवसर है। उनका आचरण, शालीनता, वैचारिक दृढ़ता और राष्ट्रहित को सर्वोपरि रखने का संकल्प भारतीय राजनीति के लिए एक आदर्श मानक है। उन्होंने अपने जीवन से यह सिद्ध किया कि श्रेष्ठता पद से नहीं, आचरण से स्थापित… pic.twitter.com/jPHRsrGDD7
— Narendra Modi (@narendramodi) December 25, 2025
اس موقع پر وزیر اعظم نے سنسکرت کا ایک شلوک بھی شیئر کیا، جس کے ذریعے انہوں نے اٹل بہاری واجپائی کی زندگی کے فلسفے کو بیان کیا۔ ملک بھر میں سیاسی رہنماؤں، سماجی تنظیموں اور عام شہریوں نے بھی اٹل جی کو یاد کرتے ہوئے انہیں خراجِ عقیدت پیش کیا اور ان کی خدمات کو قوم کے لیے ناقابلِ فراموش قرار دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
