نئی دہلی۔ وزیر اعظم نریندر مودی نے جمعہ کے روز 2025-2026 کی دوسری سہ ماہی میں ملک کی 8.2 فیصد جی ڈی پی شرح نمو پر خوشی کا اظہار کیا اور کہا کہ یہ ہندوستان کی مضبوط اقتصادی پیش رفت اور حکومتی اصلاحات کا نتیجہ ہے۔ وزیر اعظم نریندر مودی نے اسے عوام کی محنت اور کاروباری جذبے کی عکاسی قرار دیا۔
وزارتِ شماریات اور پروگرام نفاذ (MOSPI) کے تازہ ترین اعداد و شمار کے مطابق رواں مالی سال کی دوسری سہ ماہی میں جی ڈی پی میں 8.2 فیصد اضافہ ہوا، جو گزشتہ سال اسی مدت میں 5.6 فیصد تھا۔ نامیاتی جی ڈی پی میں بھی 8.7 فیصد
اضافہ درج کیا گیا۔
The 8.2% GDP growth in Q2 of 2025-26 is very encouraging. It reflects the impact of our pro-growth policies and reforms. It also reflects the hard work and enterprise of our people. Our government will continue to advance reforms and strengthen Ease of Living for every citizen.
— Narendra Modi (@narendramodi) November 28, 2025
وزیراعظم نریندرمودی نے ‘ایکس’ پر پوسٹ کرتے ہوئے لکھا کہ: “2025-2026 کی دوسری سہ ماہی میں 8.2 فیصد جی ڈی پی نمو انتہائی حوصلہ افزا ہے۔ یہ ہماری ترقی حامی پالیسیوں اور اصلاحات کے اثرات کو ظاہر کرتی ہے اور ہمارے شہریوں کی سخت محنت کا نتیجہ ہے۔ ہماری حکومت اصلاحات کو آگے بڑھاتی رہے گی اور Ease of Living کو مزید بہتر بنائے گی۔”
اعداد و شمار کے مطابق ترقی کا بڑا حصہ ثانوی شعبے خصوصاً مینوفیکچرنگ، تعمیرات اور توانائی سیکٹر کی 8.1 فیصد ترقی سے آیا، جب کہ خدماتی شعبے نے 9.2 فیصد کی مضبوط نمو درج کی۔
زرعی شعبہ 3.5 فیصد کی محتاط رفتار سے آگے بڑھا
پرائیویٹ فائنل کنزمپشن ایکسپنڈیچر (PFCE) میں بھی 7.9 فیصد اضافہ ہوا، جو گزشتہ سال 6.4 فیصد تھا۔ماہرین کا کہنا ہے کہ یہ مضبوط معاشی کارکردگی عالمی غیر یقینی حالات کے باوجود ہندوستان کی مضبوط معاشی بنیادوں کا ثبوت ہے، اور اسی رفتار کو برقرار رکھنا بھارت کو دنیا کی تیز ترین ترقی کرنے والی بڑی معیشت بنانے کے لیے اہم ہو گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
