جنوبی ہند کی فلم انڈسٹری کے ممتاز اداکار کوٹا سرینواس راؤ کے انتقال پر وزیر اعظم نریندر مودی نے گہرے رنج و غم کا اظہار کیا ہے۔ وزیر اعظم نے ایک ٹویٹ میں کہا کہ کوٹا سرینواس راؤ نہ صرف اپنی شاندار اداکاری کے لیے جانے جاتے تھے بلکہ اُن کی ہمہ جہتی فنکارانہ صلاحیتوں نے ہر دور کے ناظرین کو مسحور کیے رکھا۔
پی ایم مودی نے سوشل میڈیا پر کیا پوسٹ
سوشل میڈیا پلیٹ فارم ’ایکس‘ پر پوسٹ کرتے ہوئے وزیر اعظم مودی نے لکھا کہ ’’شری کوٹا سرینواس راؤ گارو کے انتقال پر دکھ ہوا۔ انھیں ان کی فلمی ذہانت اور ہمہ جہتی صلاحیتوں کے لیے ہمیشہ یاد رکھا جائے گا۔ انھوں نے اپنی دلکش اداکاری سے نسل در نسل ناظرین کو محظوظ کیا۔ وہ سماجی خدمت کے میدان میں بھی پیش پیش رہے اور غریب و پسماندہ طبقات کو بااختیار بنانے کے لیے کام کیا۔ اُن کے اہلِ خانہ اور بے شمار مداحوں سے تعزیت۔ اوم شانتی!‘‘
Anguished by the passing of Shri Kota Srinivas Rao Garu. He will be remembered for his cinematic brilliance and versatility. He enthralled audiences across generations with his riveting performances. He was also at the forefront of social service and worked towards empowering the…
— Narendra Modi (@narendramodi) July 13, 2025
واضح رہے کہ کوٹا سرینواس راؤ جنوبی ہند کی فلمی دنیا کا ایک نمایاں چہرہ تھے جنھوں نے مختلف کرداروں میں اپنی فنی مہارت کا لوہا منوایا۔ وہ فلمی دنیا میں اپنے خاص انداز، گہری آواز اور بھرپور مکالمہ ادائیگی کے لیے شہرت رکھتے تھے۔ ان کے انتقال پر ملک بھر سے ان کے چاہنے والوں اور فلمی شخصیات نے سوشل میڈیا پر تعزیتی پیغامات شیئر کیے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
