نئی دہلی/ترواننت پورم: وزیراعظم نریندر مودی نے آج اپنی رہائش گاہ 7، لوک کلیان مارگ پر کیرالہ کے بی جے پی کے منتخب پنچایت ممبران، میونسپل کونسلرز اور میونسپل کارپوریشن کے نمائندوں سے ملاقات کی۔ اس موقع پر ترواننت پورم میونسپل کارپوریشن میں بی جے پی کی تاریخی کامیابی پر خصوصی تبادلۂ خیال کیا گیا۔ ملاقات میں پارٹی کارکنان اور منتخب عوامی نمائندے بڑی تعداد میں موجود تھے۔ وزیراعظم نے کہا کہ ترواننت پورم میونسپل کارپوریشن میں بی جے پی کی فتح انتہائی خاص اور تاریخی ہے۔ انہوں نے اس کامیابی کو پارٹی کارکنان کی مسلسل محنت اور عوام کے بڑھتے ہوئے اعتماد کا نتیجہ قرار دیا۔ اس دوران عوام سے پارٹی کے رابطے کو مزید مضبوط بنانے، بہتر طرزِ حکمرانی کو فروغ دینے اور ایز آف لیونگ کو بہتر بنانے جیسے اہم نکات پر تفصیلی گفتگو ہوئی۔
تصاویر سوشل میڈیا پر شیئر
وزیراعظم نریندر مودی نے اس ملاقات کی تصاویر سوشل میڈیا پلیٹ فارم ایکس (سابقہ ٹوئٹر) پر بھی شیئر کیں، جن میں تمام منتخب نمائندے ان کے ساتھ نظر آرہے ہیں۔ پارٹی قیادت کا کہنا ہے کہ آنے والے دنوں میں بی جے پی کیرالہ میں زمینی سطح پر مزید سرگرم کردار ادا کرے گی۔
At 7, Lok Kalyan Marg, hosted Kerala BJP Panchayat members, Municipality members and members of corporations from across Kerala, including the Thiruvananthapuram Corporation, where the BJP was blessed with a historic mandate.
Discussed a wide range of subjects, notably ways to… pic.twitter.com/SqFKkjHbdK
— Narendra Modi (@narendramodi) February 12, 2026
’اب بی جے پی-این ڈی اے پر عوام کا اعتماد‘
وزیراعظم نے کہا کہ کیرالہ کے عوام ایل ڈی ایف اور یو ڈی ایف سے مایوس ہو چکے ہیں اور اب وہ بی جے پی-این ڈی اے کی طرف بڑی امیدوں کے ساتھ دیکھ رہے ہیں۔ ان کے مطابق ریاست میں سیاسی تبدیلی کی فضا بن رہی ہے اور عوام ترقی، شفافیت اور بہتر نظم و نسق چاہتے ہیں۔ منتخب نمائندوں سے خطاب کرتے ہوئے وزیر اعظم نے کہا کہ بی جے پی اور این ڈی اے کے نمائندوں کو گراس روٹ لیول پر فعال کردار ادا کرنا ہوگا۔ عوام کے مسائل کو سمجھنا اور ان کا بروقت حل نکالنا ہی پارٹی کی اصل طاقت ہے۔ انہوں نے کہا کہ اچھے کاموں سے ہی عوام کا اعتماد بڑھتا ہے اور ترقی کی رفتار تیز ہوتی ہے۔
In the meeting with Kerala BJP elected representatives, paid homage to every Karyakarta who has worked hard to build the Party over the years. It is due to their selfless efforts that we have grown across the state. In the coming times, the BJP will grow even further in Kerala. pic.twitter.com/DF2lhuGPJm
— Narendra Modi (@narendramodi) February 12, 2026
پارٹی کارکنان کی خدمات کو خراج تحسین
وزیر اعظم نے اُن تمام کارکنان کو خراج تحسین پیش کیا جنہوں نے برسوں کی محنت سے کیرالہ میں پارٹی کی بنیاد مضبوط کی۔ انہوں نے کہا کہ انہی بے لوث کوششوں کے باعث آج بی جے پی ریاست میں ایک مضبوط قوت بن کر ابھری ہے اور آنے والے وقت میں یہ سفر مزید تیز ہوگا۔ ترواننت پورم جیسے اہم شہر میں کامیابی حاصل ہونا بی جے پی کے لیے ایک بڑے سیاسی سنگ میل کے طور پر دیکھا جا رہا ہے۔ اس کامیابی سے پوری ریاست میں پارٹی کارکنان میں جوش و خروش پایا جاتا ہے۔ اس ملاقات کو کیرالہ میں بی جے پی کے تنظیمی پھیلاؤ اور سیاسی مضبوطی کی سمت ایک اہم قدم قرار دیا جا رہا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
