وزیر اعظم نریندر مودی نے سری لنکا کے سرکاری دورے سے ہندوستان واپس آتے ہوئے سفر کا ایک گہرا روحانی تجربہ شیئر کیا ہے۔ سوشل میڈیا پلیٹ فارم ’ایکس‘ پر ایک پوسٹ میں انھوں نے اپنے جذبات کا اظہار کرتے ہوئے بتایا کہ انھیں رام سیتو اور ایودھیا کے سوریہ تلک، دونوں کا ’’درشن‘‘ کرنے کا روحانی اتفاق ہوا۔ انھوں نے لکھا ’’تھوڑی دیر پہلے سری لنکا سے واپسی پر، مجھے رام سیتو کا درشن کرنے کی سعادت ملی۔ اور ایک روحانی اتفاق یہ بھی رہا کہ یہ درشن اسی وقت ہوا جب ایودھیا میں سوریہ تلک ہو رہا تھا۔ میں دونوں کے درشن سے فیض یاب ہوا۔‘‘ وزیر اعظم نے مزید کہا کہ ’’پربھو شری رام ہم سب کو متحد کرنے والی طاقت ہیں۔ ان کا کرم ہمیشہ ہم پر قائم رہے۔‘‘
On the way back from Sri Lanka a short while ago, was blessed to have a Darshan of the Ram Setu. And, as a divine coincidence, it happened at the same time as the Surya Tilak was taking place in Ayodhya. Blessed to have the Darshan of both. Prabhu Shri Ram is a uniting force for… pic.twitter.com/W9lK1UgpmA
— Narendra Modi (@narendramodi) April 6, 2025
پی ایم مودی کا رامیشورم کا دورہ
واضح رہے کہ سری لنکا کے اپنے تین روزہ سرکاری دورے کے بعد وزیر اعظم مودی تمل ناڈو کے رامیشورم پہنچے، جہاں انھوں نے ہندوستان کے پہلے عمودی لفٹ سی برج، نیو پمبن پل کا افتتاح کیا۔ یہ تاریخی پل آبنائے پالک پر پھیلا ہوا ہے اور 2.07 کلومیٹر طویل ہے۔ اس دوران وزیر اعظم نے رامیشورم اور باقی تمل ناڈو کے درمیان رابطے کو نمایاں طور پر بہتر بنانے اور پورے خطے میں مسافروں اور مال کی نقل و حمل دونوں کو بڑھانے کے لیے نئے پمبن پل کی اہمیت پر بھی روشنی ڈالی۔
وزیر اعظم مودی نے بیان کی رام سیتو کی اہمیت
رامیشورم میں پی ایم مودی نے رام سیتو کی روحانی اہمیت پر بھی روشنی ڈالی۔ دریں اثنا ایودھیا میں رام نومی کے موقع پر، رام جنم بھومی مندر میں ایک شاندار نظارہ دیکھا گیا، جسے ’’سوریہ تلک‘‘ کہا جاتا ہے۔ اس نظارے میں ٹھیک ٹھیک دوپہر کے وقت سورج کی روشنی نے رام للا کی مورتی کی پیشانی کو روشن کر دیا، جس سے مورتی کی پیشانی پر قدرت تلک بن گیا۔ رام سیتو چونے کے پتھروں کی ایک 48 کلومیٹر لمبی زنجیر ہے جو ہندوستان کے رامیشورم جزیرے کو سری لنکا کے منار جزیرے سے جوڑتی ہے۔ اس سیتو کی ہندو روایت میں نہایت اہمیت ہے۔ بہت سے لوگوں کا ماننا ہے کہ بھگوان رام نے اپنی بیوی سیتا کو راون سے بچانے کے مقصد سے لنکا تک پہنچنے کے لیے یہ پل بنایا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
