نئی دہلی: بھارت کے وزیراعظم نریندر مودی نے پیر کے روز تبت کے روحانی پیشوا 14ویں دلائی لامہ کو ان کی 91ویں سالگرہ پر مبارکباد پیش کرتے ہوئے امن، ہم آہنگی اور عالمی فلاح و بہبود کے لیے ان کی خدمات کو سراہا۔وزیراعظم مودی نے سوشل میڈیا پلیٹ فارم ایکس پر اپنے پیغام میں کہا کہ دلائی لامہ کا امن اور اخوت کا پیغام دنیا بھر کے لوگوں کے لیے مسلسل باعثِ تحریک بنا ہوا ہے۔وزیر اعظم مودی نے لکھا، ” دلائی لامہ کو سالگرہ کی دل کی گہرائیوں سے مبارکباد۔ امن اور ہم آہنگی کا ان کا پیغام دنیا بھر کے لوگوں کے لیے ہمیشہ سے تحریک کا سرچشمہ رہا ہے۔ ان کی اخلاقی اور روحانی قوت اور دنیا کی بھلائی کے لیے ان کا عزم قابلِ ستائش ہے۔ میں ان کی طویل اور صحت مند زندگی کے لیے نیک خواہشات کا اظہار
کرتا ہوں۔”
Warm birthday greetings to His Holiness the Dalai Lama. His message of peace and harmony has been a guiding force for people across the world. His moral and spiritual strength and his commitment to global good are commendable. Wishing him a long and healthy life.@DalaiLama
— Narendra Modi (@narendramodi) July 6, 2026
دلائی لامہ کا تعارف
دلائی لامہ کی پیدائش 6 جولائی 1935 کو تبت کے تکستر گاؤں میں ایک کسان خاندان میں ہوئی تھی۔ ان کا اصل نام لہامو تھونڈپ تھا۔ دو برس کی عمر میں انہیں 13ویں دلائی لامہ کا دوبارہ جنم (Reincarnation) تسلیم کیا گیا، جس کے بعد 1939 میں انہیں لہاسا لے جایا گیا۔22 فروری 1940 کو انہیں باضابطہ طور پر تبت کا روحانی اور سیاسی رہنما مقرر کیا گیا اور انہیں تنزین گیاتسو کا نام دیا گیا۔ بعد ازاں 17 نومبر 1950 کو انہوں نے نوربلنگکا محل میں تبت کی مکمل قیادت سنبھالی۔
1959 میں بھارت آمد
1959 میں تبت میں عوامی بغاوت کو کچلنے کے بعد دلائی لامہ تقریباً 80 ہزار تبتی باشندوں کے ساتھ بھارت آ گئے، جہاں وہ تب سے جلاوطنی کی زندگی گزار رہے ہیں۔ان کی سالگرہ ہر سال سینٹرل تبتی ایڈمنسٹریشن(سی ٹی اے) کی جانب سے منائی جاتی ہے، جس میں دنیا بھر سے ان کے پیروکار شرکت کرتے ہیں۔
حالیہ طبی معائنہ اور “سالِ ہمدردی” مہم
دلائی لامہ کے دفتر کے مطابق انہوں نے رواں برس جون کے آغاز میں دہلی کا دورہ کیا تھا، جہاں لداخ کے موسمِ گرما کے دورے سے قبل ان کے بائیں گھٹنے کی تبدیلی (Knee Replacement) کی سرجری کی گئی۔رواں سال کی تقریبات سینٹرل تبتی ایڈمنسٹریشن کی جانب سے گزشتہ سال شروع کی گئی “سالِ ہمدردی” (Year of Compassion) مہم کے تسلسل کا حصہ ہیں، جس کا مقصد ماحولیاتی تحفظ، شجرکاری، تبتی زبان کے فروغ اور تبتی ثقافت و ورثے کے تحفظ کے لیے عوامی بیداری پیدا کرنا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
