احمد آباد: وزیراعظم نریندر مودی نے پیر کے روز ملک کے مختلف حصوں میں بادل پھٹنے اور شدید بارش کے باعث ہونے والے جانی نقصان پر گہرے رنج و غم کا اظہار کیا اور کہا کہ قدرت کا یہ قہر پوری انسانیت اور ملک کے لیے ایک بڑا چیلنج بن گیا ہے۔ احمد آباد میں ایک تقریب سے خطاب کرتے ہوئے وزیراعظم نے کہا کہ گجرات کے کئی علاقے بھی شدید بارشوں سے متاثر ہیں اور امدادی و بچاؤ کا کام جاری ہے۔ وزیراعظم مودی نے کہا: ’’اس مانسون میں گجرات کے کئی علاقوں میں شدید بارش ہو رہی ہے۔ ملک میں ایک کے بعد ایک بادل پھٹنے کے واقعات پیش آ رہے ہیں، تباہی دیکھ کر دل سنبھالنا مشکل ہو جاتا ہے۔ میں تمام متاثرہ خاندانوں سے تعزیت کرتا ہوں۔ یہ قدرت کا قہر پوری انسانیت، دنیا اور ملک کے لیے ایک چیلنج بن چکا ہے۔ مرکزی اور ریاستی حکومتیں مل کر راحت اور بچاؤ کے کام میں مصروف ہیں۔‘‘ واضح رہے کہ جموں و کشمیر، ہماچل پردیش اور اتراکھنڈ میں بادل پھٹنے سے اچانک آنے والے سیلاب نے زندگی مفلوج کر دی ہے۔
Delighted to be in Ahmedabad. Speaking at the launch of key projects that will strengthen connectivity, improve public services and drive economic growth. https://t.co/R8FqM8kdKv
— Narendra Modi (@narendramodi) August 25, 2025
گجرات میں ترقیاتی منصوبوں کا آغاز
وزیراعظم مودی نے آج احمد آباد کے کھوڈل دھام گراؤنڈ میں 5,400 کروڑ روپے سے زائد لاگت کے متعدد ترقیاتی منصوبوں کا افتتاح، سنگِ بنیاد اور قوم کے نام وقف کیا۔ انہوں نے احمد آباد میں روڈ شو بھی کیا۔ وزیراعظم نے کہا: ’’پورے ملک میں گنیش اُتسو کا شاندار جوش و خروش ہے۔ گنپتی بپّا کی برکت سے آج گجرات کی ترقی سے جڑے کئی منصوبوں کا افتتاح ہوا ہے۔ یہ میرا اعزاز ہے کہ آج مجھے ملک کے عوام کو یہ منصوبے وقف کرنے کا موقع ملا۔‘‘ وزیراعظم مودی کا گجرات کا یہ دو روزہ دورہ آج سے شروع ہوا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
