نئی دہلی: کورونا وبا کے دوران وزیر اعظم نریندر مودی کی جانب سے سال 2020 میں قائم کیے گئے پی ایم کیئرز فنڈ کے مالی اعداد و شمار سامنے آ گئے ہیں۔ آڈٹ رپورٹ کے مطابق مالی سال 25-2024 کے اختتام تک فنڈ میں 8,452.07 کروڑ روپے جمع تھے۔ اس سے قبل مالی سال 24-2023 میں فنڈ میں 7,188.63 کروڑ روپے جمع تھے۔ رپورٹ کے مطابق پی ایم کیئرز فنڈ میں موجود زیادہ تر رقم سیونگ اکاؤنٹ کے بجائے فکسڈ ڈپازٹ (ایف ڈی) میں رکھی گئی ہے، جس سے فنڈ کو اپنی رقم پر زیادہ ریٹرن حاصل ہوا۔
ایف ڈی میں 6,641 کروڑ روپے جمع
اعداد و شمار کے مطابق مالی سال 25-2024 تک 6,641 کروڑ روپے فکسڈ ڈپازٹ میں جمع کیے گئے تھے، جبکہ سیونگ اکاؤنٹ میں 605.41 کروڑ روپے موجود تھے۔ رپورٹ کے مطابق مالی سال 25-2024 کے دوران پی ایم کیئرز فنڈ میں فکسڈ ڈپازٹ کی رقم پر 469.38 کروڑ روپے کا سود حاصل ہوا، جبکہ سیونگ اکاؤنٹس پر 5.77 کروڑ روپے سود ملا۔ اس کے علاوہ ٹی ڈی ایس کے طور پر بھی 13.49 لاکھ روپے جمع ہوئے۔ جاری کیے گئے اعداد و شمار سے معلوم ہوتا ہے کہ مالی سال 25-2024 کے دوران پی ایم کیئرز فنڈ میں مجموعی رقم میں اضافہ ہوا، تاہم گھریلو اور غیر ملکی ذرائع سے حاصل ہونے والے عطیات میں کمی دیکھی گئی۔ رپورٹ کے مطابق فنڈ میں رقم بڑھنے کی بڑی وجہ جمع شدہ رقم پر حاصل ہونے والا سود ہے۔
ہنگامی حالات سے نمٹنے کے لیے قائم کیا گیا تھا پی ایم کیئر
پی ایم کیئرز فنڈ کو ملک میں ہنگامی حالات سے نمٹنے کے مقصد سے قائم کیا گیا تھا۔ مالی سال 25-2024 کے دوران فنڈ کو 479.04 کروڑ روپے کے گھریلو عطیات موصول ہوئے، جبکہ غیر ملکی عطیات کی مد میں 92.83 لاکھ روپے حاصل ہوئے۔ اس کے علاوہ مختلف ایجنسیوں کی جانب سے واپس کی گئی رقم 324.66 کروڑ روپے رہی۔
2020 میں کورونا وبا کے دوران قائم ہوا تھا پی ایم کیئر
پی ایم کیئرز فنڈ کو 27 مارچ 2020 کو کورونا وبا کے دوران ایک عوامی فلاحی ٹرسٹ کے طور پر قائم کیا گیا تھا۔ وزیر اعظم نریندر مودی نے خود عوام سے اس فنڈ میں عطیہ دینے کی اپیل کی تھی۔ قیام کے پہلے مالی سال میں پی ایم کیئرز فنڈ میں 3,075.85 کروڑ روپے جمع ہوئے تھے، جبکہ غیر ملکی تعاون کی مد میں 39.68 کروڑ روپے حاصل ہوئے تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
