بہار کی راجدھانی پٹنہ کو پیر کے روز ایک بڑا تحفہ ملنے جا رہا ہے۔ وزیراعلیٰ نتیش کمار آج پٹنہ میٹرو کے پہلے مرحلے کا افتتاح کریں گے۔ یہ میٹرو کاریڈور آئی ایس بی ٹی (پاتلی پتر انٹر اسٹیٹ بس ٹرمینل) سے بھوت ناتھ تک واقع ہے اور اسے بلو لائن کہا جا رہا ہے۔ اس لائن کے تین اہم اسٹیشن ہیں: آئی ایس بی ٹی، زیرو مائل اور بھوت ناتھ، جو مسافروں کو شہر کے اہم حصوں سے جوڑیں گے۔
اگست کے مہینے میں ٹرائل میں تاخیر کے بعد بالآخر افسران نے میٹرو خدمات کو منظوری دے دی ہے۔ پٹنہ میٹرو کل یعنی 7 اکتوبر سے عوام کے لیے چلائی جائے گی۔
بلو لائن کاریڈور کی لمبائی4.3 کلومیٹر ہے اور اسے بہار حکومت کے تعاون سے دہلی میٹرو ریل کارپوریشن لمیٹڈ (DMRC) نے تیار کیا ہے۔ میٹرو خدمات شروع ہونے کے بعد شہر کی بڑھتی ہوئی بھیڑ اور ٹریفک کے مسئلے سے کافی حد تک نجات ملنے کی امید ہے۔
پٹنہ میٹرو کا کاریڈور-2 اور اس کی سہولیات
پٹنہ میٹرو کا کاریڈور-2 حصہ 14.5 کلومیٹر طویل ہے اور اس میں پانچ بلند اور سات زیر زمین اسٹیشن شامل ہیں۔ یہ کاریڈور پٹنہ جنکشن کو آئی ایس بی ٹی سے جوڑتا ہے۔ ہر میٹرو ٹرین میں تین کوچ ہوں گے جو آئی ایس بی ٹی سے بھوت ناتھ تک جائیں گے اور پھر ڈیپو واپس لوٹیں گے۔ ٹرین کی رفتار 40 کلومیٹر فی گھنٹہ ہوگی اور میٹرو سروس صبح 8 بجے سے رات 10 بجے تک دستیاب رہے گی۔
ہر کوچ میں 158 مسافروں کے بیٹھنے کی گنجائش ہے، جن میں خواتین اور معذور افراد کے لیے 12 مخصوص نشستیں شامل ہیں۔ کھڑے ہونے کی گنجائش 940 افراد کے لیے ہے۔ جدید کوچز میں موبائل اور لیپ ٹاپ چارجنگ پوائنٹس، ایمرجنسی گیٹ، اور دو حصوں میں تقسیم سلائیڈنگ دروازے جیسی سہولیات دستیاب ہیں۔ مسافروں کو اسٹیشن پر میٹرو کارڈ اور ٹوکن ملیں گے جن کا کرایہ 15 روپے سے 30 روپے کے درمیان ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
