انڈگو نے اپنے ہزاروں مسافروں کو پیش آئی مشکلات کو تسلیم کرتے ہوئے ایک بڑا فیصلہ کیا ہے۔ ایئر لائن نے اعلان کیا ہے کہ دسمبر کے آغاز میں آپریشنل مسائل کے دوران جن مسافروں کا سفر بُری طرح متاثر ہوا تھا، انہیں 10,000 روپے کا ٹریول واؤچر دیا جائے گا۔ یہ واؤچر ایک سال تک کسی بھی نئی ٹکٹ بُکنگ میں استعمال کیا جا سکے گا۔کمپنی نے تسلیم کیا کہ 3، 4 اور 5 دسمبر کو بڑی تعداد میں مسافروں کو گھنٹوں ایئرپورٹ پر انتظار کرنا پڑا، بہت سے لوگ اپنی کنیکٹنگ پروازوں اور ضروری سفر سے محروم رہ گئے۔ انڈگو نے کہا کہ یہ ایک مشکل وقت تھا اور مسافروں کو پہنچنے والی تکلیف کی ذمہ داری وہ خود لیتی ہے۔
24 گھنٹے کے اندر پرواز منسوخ ہونے پر کیا ملے گا؟
حکومت کے سول ایوی ایشن کے موجودہ قوانین کے مطابق اگر کسی ایئر لائن کی پرواز طے شدہ وقت سے 24 گھنٹوں کے اندر منسوخ ہو جاتی ہے، تو اس ایئر لائن پر مسافروں کو معاوضہ دینا لازمی ہے۔فاصلہ اورسفر کے وقت کے حساب سے مسافروں کو 5,000 سے 10,000 روپے تک کا اضافی معاوضہ ملتا ہے۔اس طرح کچھ مسافروں کو کل 20,000 روپے تک کا فائدہ ہو سکتا ہے۔
ریفنڈ کی تیز رفتار کارروائی
انڈگو کے مطابق جن مسافروں کی پروازیں منسوخ ہوئی تھیں، ان میں سے زیادہ تر کے ریفنڈ پروسیس ہو چکے ہیں اور باقی معاملات بھی جلد نمٹا دیے جائیں گے۔اگر ٹکٹ کسی ٹریول ایجنسی، آن لائن پلیٹ فارم یا ایپ کے ذریعے بُک ہوا تھا تو اس کا ریفنڈ بھی جاری کیا جا چکا ہے یا پھر کارروائی میں ہے۔جو مسافر اپنے ریفنڈ کی صورتحال نہیں دیکھ پا رہے، وہ براہ راست اس ای میل پر رابطہ کریں:[email protected]
10 ہزار کا واؤچر کیوں؟ انڈگو کا باضابطہ بیان
ایئر لائن نے کہا کہ آپریشنل خرابیوں کی وجہ سے بہت سے مسافروں کو انتہائی خراب تجربہ ہوا۔ کئی مسافر پوری رات ایئرپورٹ پر پھنسے رہے، گھنٹوں قطاروں میں کھڑے رہے اور ان کی آگے کی یاترائیں بھی متاثر ہوئیں۔اسی لیے انڈگو نے سب سے زیادہ متاثرہ مسافروں کو 10,000 روپے کا خصوصی ٹریول واؤچر دینے کا فیصلہ کیا ہے، تاکہ وہ آئندہ سفر میں اسے استعمال کر سکیں۔کمپنی کا کہنا ہے کہ وہ اپنی خدمات کو دوبارہ مستحکم اور قابلِ اعتماد بنانے کے لیے ہر ممکن قدم اٹھا رہی ہے۔“مسافروں کا اعتماد ہمارے لیے سب سے اہم ہے اور ہم ان کے صبر کی قدر کرتے ہیں۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
