بھارت کے عظیم مجاہدآزادی اور ممتاز قومی لیڈر نیتا جی سبھاش چندر بوس کی جینتی کے موقع پر وزیرِ اعظم نریندر مودی نے انہیں عقیدت کے پھول نذر کیے۔ ہر سال 23 جنوری کو نیتا جی کی سالگرہ کو پرکرم دیوس کے طور پر منایا جاتا ہے، جس کا مقصد ان کی بے مثال جرأت، عزم اور وطن کے لیے قربانیوں کو یاد
کرنا ہے۔ اس موقع پر وزیراعظم نے سوشل میڈیا کے ذریعے قوم کے ساتھ اپنے جذبات کا اظہار کیا۔
Netaji Subhas Chandra Bose has always inspired me greatly. On 23rd January 2009, the e-Gram Vishwagram Yojana was launched. This was a pioneering scheme aimed at transforming Gujarat’s IT landscape. The scheme was launched from Haripura, which had a special place in Netaji Bose’s… pic.twitter.com/0pbEUu4eQx
— Narendra Modi (@narendramodi) January 23, 2026
وزیر اعظم مودی نے ایک ویڈیو پیغام شیئر کرتے ہوئے کہا کہ نیتا جی سبھاش چندر بوس کی جینتی، جو پرکرم دیوس کے طور پر منائی جاتی ہے، ہمیں ان کے ناقابلِ تسخیر حوصلے، مضبوط عزم اور ملک کے لیے ان کی بے نظیر خدمات کی یاد دلاتی ہے۔ انہوں نے کہا کہ نیتا جی نے بے خوف قیادت اور غیر متزلزل حب الوطنی کی مثال قائم کی، جو آج بھی ملک کے نوجوانوں اور آنے والی نسلوں کے لیے مشعلِ راہ ہے۔ وزیر اعظم کے مطابق نیتا جی سبھاش چندر بوس کے نظریات ایک مضبوط اور خود کفیل بھارت کی تعمیر کے لیے مسلسل تحریک فراہم کرتے ہیں۔
On the birth anniversary of Netaji Subhas Chandra Bose, which is commemorated as Parakram Diwas, we recall his indomitable courage, resolve and unparalleled contribution to the nation. He epitomised fearless leadership and unwavering patriotism. His ideals continue to inspire… pic.twitter.com/KokJhJu33d
— Narendra Modi (@narendramodi) January 23, 2026
اپنے پیغام میں وزیراعظم مودی نے یہ بھی ذکر کیا کہ نیتا جی سبھاش چندر بوس نے ہمیشہ انہیں ذاتی طور پر متاثر اور متحرک کیا ہے۔ انہوں نے اپنے گجرات کے وزیر اعلیٰ کے دور کی چند یادگار تصاویر شیئر کرتے ہوئے بتایا کہ 23 جنوری 2009 کو ای گرام وشوگرام یوجنا کا آغاز کیا گیا تھا، جس کا مقصد گجرات کے آئی ٹی شعبے کو نئی سمت دینا تھا۔ یہ منفرد منصوبہ ہری پورہ سے شروع کیا گیا تھا، جس کا نیتا جی سبھاش چندر بوس کی زندگی میں خاص مقام رہا ہے۔
وزیر اعظم نے ہری پورہ کے عوام کے گرمجوش استقبال کو یاد کرتے ہوئے کہا کہ وہ اس لمحے کو کبھی نہیں بھول سکتے جب اسی سڑک پر جلوس نکالا گیا ،جس پر کبھی نیتا جی سبھاش چندر بوس چلے تھے۔ ان کے مطابق یہ تجربہ ان کے لیے فخر اور تحریک کا باعث تھا۔ پرکرم دیوس کے موقع پر وزیراعظم کے اس پیغام نے ایک بار پھر نیتا جی سبھاش چندر بوس کی جدوجہد، قربانی اور حب الوطنی کو قومی شعور میں تازہ کر دیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
