New Income Tax Act: یکم اپریل 2026 سے نافذ ہوگا نیا انکم ٹیکس، وزیر خزانہ نرملا سیتا رمن کا بڑا اعلان

New Income Tax Act: بجٹ 2026 کوپیش کرتے ہوئے وزیرخزانہ نرملا سیتا رمن نے بڑا اعلان کیا ہے۔ اب یکم اپریل 2026 سے نیا انکم ٹیکس نافذ ہوگا۔ اس کے عمل میں آنے کے بعد جرمانے کے بجائے، آپ ٹیکس ادا کرکے چھوٹ حاصل کرسکتے ہیں۔ غلط رپورٹنگ پرچھوٹ کی تجویزہے۔ اس میں ہندوستان میں ڈیٹا سینٹربنانے والی کمپنیوں کے لئے چھوٹ دینے کی تجویز ہے۔ اس کے علاوہ، کورٹ سزا کو جرمانے میں بدل سکتی ہے۔

انکم ٹیکس فارم کوآسان بنایا جائے گا۔ اضافی 10 فیصد رعایت قابل اطلاق شرح سے زیادہ دی جا سکتی ہے۔ گزشتہ سال نومبرمیں سینٹرل بورڈ آف ڈائریکٹ ٹیکسز(سی بی ڈی ٹی) کے سربراہ روی اگروال نے کہا تھا کہ انکم ٹیکس ڈپارٹمنٹ جنوری تک آسان انکم ٹیکس ایکٹ، 2025 کے تحت آئی ٹی آرفارمزاورقواعد کومطلع کرے گا۔

کیا ہے نیا آئی ٹی ایکٹ

یہ انکم ٹیکس ایکٹ یکم اپریل سے شروع ہونے والے مالی سال سے موثر ہوگا۔ انہوں نے یہ بھی کہا تھا کہ محکمہ کا مقصد نئے قانون کے تحت تعمیل کوآسان بنانے کے لیے انکم ٹیکس ریٹرن فارم کوآسان بنانا ہے۔ نیا قانون 6  دہائیوں پرانے انکم ٹیکس ایکٹ 1961 کی جگہ لے گا۔ انکم ٹیکس ایکٹ، 2025 اگلے مالی سال 27-2026 (یکم اپریل 2026) سے نافذ العمل ہوگا۔ نیا ایکٹ ٹیکس کے قوانین کوآسان بنائے گا اوراصطلاحات کوکم کرے گا، جس سے انہیں سمجھنے میں آسانی ہوگی۔ نئے قانون میں ٹیکس کی کوئی نئی شرح متعارف نہیں کی گئی ہے اورمحض زبان کو آسان بنایا گیا ہے، جوکہ پیچیدہ انکم ٹیکس قوانین کوسمجھنے کے لیے ضروری ہے۔

یہ بھی پڑھیں: Budget 2026: بجٹ 2026 میں انکم ٹیکس سلیب میں نہیں کی گئی کوئی تبدیلی، پہلے جتنا ہی لگے گا ٹیکس

نیا قانون غیرضروری دفعات اورپرانی زبان کوہٹاتا ہے اور1961 کے انکم ٹیکس ایکٹ میں سیکشنزکی تعداد 819 سے گھٹا کر536 اورابواب کی تعداد 47 سے کم کرکے 23 کردیتا ہے۔ نیا قانون الفاظ کی گنتی کو5.12 لاکھ سے کم کرکے 2.60 کردی گئی ہے۔ ساتھ ہی اس کی وضاحت کو بڑھانے کے لئے، 1961 کے ایکٹ کے کنڈینسڈ ٹیکسٹ کی جگہ 39 نئی جدولیں اور40 نئے فارمولے شامل کئے گئے ہیں۔