وزیر اعظم مودی کے ساتھ گولڈن بوائے نیرج چوپڑا۔ (فائل فوٹو)
نئی دہلی: ہندوستان کے گولڈن بوائے نیرج چوپڑا دوحہ ڈائمنڈ لیگ 2025 میں ایک اہم سنگِ میل حاصل کرتے ہوئے، بین الاقوامی جیولن تھرو کے مقابلے میں 90 میٹر کا نشان عبور کرنے والے پہلے ہندوستانی بن گئے۔ 90.23 میٹر کی بہترین تھرو کے ساتھ چوپڑا نے نہ صرف اپنے ذاتی اور قومی ریکارڈ کو توڑا، بلکہ انھوں نے ہندوستانی ایتھلیٹکس کی تاریخ میں بھی اپنا نام مزید روشن کر لیا۔
حالاں کہ نیرج چوپڑا جرمنی کے جولین ویبر کے بعد دوسرے نمبر پر رہے، جنھوں نے 91.06 میٹر کا تھرو کیا، لیکن پھر بھی یہ لمحہ ہندوستان کے تاریخی تھا۔ اس اہم سنگِ میل کو عبور کرنے پر وزیر اعظم مودی نے نیرج چوپڑا کو مبارکباد دی اور لکھا ’’ایک شاندار کارنامہ! دوحہ ڈائمنڈ لیگ 2025 میں 90 میٹر کا نشان پار کرنے اور اپنا بہترین تھرو کرنے پر نیرج چوپڑا کو مبارکباد۔ یہ ان کی انتھک لگن، نظم و ضبط اور جذبے کا نتیجہ ہے۔ ہندوستان کو (ان کی کامیابی پر) بے انتہا خوشی اور فخر ہے۔‘‘
نیرج چوپڑا نے ادا کیا وزیر اعظم مودی کا شکریہ
وزیر اعظم کے پوسٹ کو شیئر کرتے ہوئے نیرج چوپڑا نے وزیر اعظم کا شکریہ ادا کیا اور لکھا ’’آپ کے الفاظ اور حوصلہ افزائی کے لیے آپ کا شکریہ جناب وزیر اعظم مودی جی۔ مجھے امید ہے کہ میں (اپنا کھیل) جاری رکھوں گا اور ہمیشہ ملک کے لیے اپنی بہترین کوشش کروں گا!‘‘ واضح رہے کہ اولمپک میں گولڈ جیتنے کے بعد نیرج نے وزیر اعظم مودی سے ملاقات بھی کی تھی۔
Thank you shri @narendramodi ji for your kind words and encouragement. I hope to continue and give my best for the country always! 🇮🇳 https://t.co/kr7Lgk8ZUe
— Neeraj Chopra (@Neeraj_chopra1) May 18, 2025
دوحہ ڈائمنڈ لیگ میں اہم سنگ میل عبور کرنے کے باوجود دوسرے نمبر پر رہنے سے نیرج چوپڑا تھوڑے مایوس ضرور ہوئے، لیکن انھوں نے آگے مزید بہترین کارکردگی کے عزم کا اظہار کیا۔ انھوں نے کہا کہ ’’اس سال میں بہت بہتر محسوس کر رہا ہوں… مجھے یقین ہے کہ میں آنے والے ایونٹس میں 90m سے زیادہ کے تھرو کر سکتا ہوں۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
