نوی ممبئی انٹرنیشنل ایئرپورٹ (NMIA)، نوی ممبئی انٹرنیشنل ایئرپورٹ پرائیویٹ لمیٹڈ کے ذریعے تیار کیا گیا نوی ممبئی کے اُلوے میں واقع ایک گرین فیلڈ ائیرپورٹ ہے جو جنوبی ممبئی سے تقریباً 37 کلومیٹر دور ہے۔ یہ منصوبہ پبلک پرائیویٹ پارٹنرشپ (PPP) کے تحت تیار کیا گیا ہے، جس میں ممبئی انٹرنیشنل ایئرپورٹ لمیٹڈ، اڈانی ایئرپورٹس ہولڈنگز کی ذیلی کمپنی 74 فیصد حصہ دارہے اور CIDCO کی 26 فیصد حصہ داری ہے۔ یہ ائیرپورٹ ممبئی میٹروپولیٹن ریجن اور مغربی بھارت میں بڑھتے ہوئے ہوائی سفر کو سنبھالنے اور بھارت کی عالمی کنکٹیوٹی کو مضبوط کرنے کے لیے ڈیزائن کیا گیا ہے۔
رن ویز اور ٹرمینلز
NMIA میں دو متوازی ‘کوڈ F’ رن ویز ہیں، ہر ایک کی لمبائی 3,700 میٹر اور چوڑائی 60 میٹر ہے۔ اس ہوائی اڈے کو چند مراحل میں اپ گریڈ کیا جارہا ہے۔ مرحلہ I ٹرمنل: 234,000 مربع میٹر، سالانہ 20 ملین مسافروں کی گنجائش، ملکی اور بین الاقوامی پروازوں کے لیے۔ مرحلہ II اور III ٹرمنل، اضافے کے بعد مجموعی صلاحیت 50 ملین سالانہ ہوگی، جبکہ مرحلہ IV میں یہ 90 ملین سالانہ مسافروں کی گنجائش کے لیے تیار ہوگا۔ ڈیزائن ٹیم نے ہندوستان کے قومی پھول کمل سے تحریک لے کر وسیع چھتوں والے مجسماتی ستون تیار کیے ہیں۔
مسافروں کے لیے سہولیات
ٹرمنل 1 میں شامل ہیں: 66 چیک ان کاؤنٹرز، 22 سیلف بیگج ڈراپس، 29 ایروبریجز اور 10 بس بورڈنگ گیٹس۔ بچوں کے کھیل کے علاقے اور500 مسافروں کے لیے CIP لاونجز۔ مختصر قیام کے لیے 80 کمرے والا ٹرانزٹ ہوٹل۔ مہاراشٹر کی ثقافت پیش کرنے والے ڈیجیٹل آرٹ پروگرامز۔ 110 ریٹیل اور فوڈ اینڈ بیوریج آؤٹ لیٹس، بشمول ڈیوٹی فری، کیژول ڈائننگ اور بھارتی اسٹریٹ فوڈ۔
کارگو اور ٹیکنالوجی
ابتدائی مرحلے میں کارگو ٹرمینل کی گنجائش 0.5 ملین میٹرک ٹن سالانہ ہے، جس میں شامل ہیں: مکمل خودکار شپمنٹ ٹریکنگ، نیم خودکار مواد ہینڈلنگ، اور کیش لیس آپریشنز۔ دواؤں، خراب ہونے والی اشیا، خطرناک مال، ایکسپریس کارگو، قیمتی اشیا اور زندہ جانوروں کے لیے خصوصی زونز۔ ٹیکنالوجی انٹیگریشن میں 5G کنکٹیوٹی، IoT پر مبنی حقیقی وقت کی نگرانی۔ خودکار بیگج ہینڈلنگ، Digi Yatra رابطہ سے پاک پروسیسنگ۔ اسمارٹ ٹریفک مینجمنٹ سسٹمز شامل ہیں۔
پائیداری کے اقدامات
نوی ممبئی انٹرنیشنل ایئرپورٹ ایک گرین ایئرپورٹ کے طور پر ڈیزائن کیا گیا ہے جس میں 47MW شمسی توانائی پیداوار، بارش کے پانی کی ذخیرہ اندوزی اور فضلہ پانی کا دوبارہ استعمال، کم بہاؤ والے پانی کے فکسچرز اور ایئر سائیڈ آپریشنز کے لیے EVs، پسو کولنگ سسٹمز اور Automated People Movers کے ذریعے اخراج کم کرنا شامل ہے۔
کنکٹیوٹی اور محل وقوع
یہ ائیرپورٹ اہم صنعتی اور بندرگاہی علاقوں کے قریب واقع ہے۔ یہ ائیرپورٹ جواہر لال نہرو پورٹ ٹرسٹ (JNPT) سے 14 کلومیٹر، MIDC تالوجا صنعتی علاقے سے 22 کلومیٹر، ممبئی پورٹ ٹرسٹ (Mumbai Trans Harbour Link کے ذریعے) سے 35 کلومیٹر اور تھانے سے 32 کلومیٹر اور بھیونڈی سے 40 کلومیٹردور ہے۔
جدید انفراسٹرکچر اور مستقبل کا ہب
نوی ممبئی انٹرنیشنل ایئرپورٹ جدید انفراسٹرکچر، ڈیجیٹل جدت اور پائیدار عمل درآمد کو یکجا کر کے بھارت کا ایک اہم ہوائی اور لاجسٹکس ہب بننے کی طرف گامزن ہے جو ممبئی اور مغربی بھارت کے لیے عالمی سطح کی کنکٹیوٹی فراہم کرے گا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
