Pahalgam terror attack: ’’پہلگام دہشت گردانہ حملے کو فرقہ وارانہ نظر سے نہ دیکھیں‘‘، محبوبہ مفتی نے کی اپیل

پی ڈی پی کی سربراہ محبوبہ مفتی نے بدھ کے روز اس بات پر زور دیا کہ پہلگام دہشت گردانہ حملے کو ہندو مسلم کی عینک سے نہ دیکھا جائے۔ انھوں نے فرقہ وارانہ کشیدگی پھیلانے کے خلاف خبردار کرتے ہوئے کہا کہ ملک کے دشمن یہی چاہتے ہیں کہ ہمارے اندر تفرقہ پیدا ہو۔ انھوں نے کہا کہ ہمیں اسے ہندو مسلم مسئلہ نہیں بننے دینا چاہیے اور اپنے درمیان پھوٹ پیدا نہیں ہونے چاہے۔

اس سے قبل پہلگام دہشت گردانہ حملے کی مذمت کرتے ہوئے مفتی نے کہا تھا کہ بطور کشمیری وہ اور کشمیر کی ساری عوام شرمندہ ہے کہ وہاں سیاحت کے لیے آنے والے ان کے مہمانوں کے ساتھ ایسا دلدوز سانحہ پیش آیا۔ انھوں نے حکومت سے مطالبہ کیا کہ اس کے ذمہ داروں کو جلد از جلد انصاف کے کٹہرے میں کھڑا کیا جائے اور انھیں سخت سے سخت سزا دی جائے۔

#WATCH | Srinagar | PDP chief Mehbooba Mufti says, “This was an attack not just by the terrorists on the people but also on our Kashmiriyat and us. I request the Union Home Minister to find out who the perpetrators were so that they can be punished. We are ashamed that this… pic.twitter.com/Zfh90i3JE5

— ANI (@ANI) April 23, 2025

جموں و کشمیر کا سرکاری عملہ پہلگام متاثرین کے لیے سہ پہر 3:30 بجے 2 منٹ کی خاموشی اختیار کرے گا

پہلگام میں دہشت گردوں کے ہاتھوں معصوم شہریوں کے المناک قتل کی مذمت کرتے ہوئے مہلوکین کی یاد میں جموں و کشمیر کے تمام سرکاری دفاتر کے ملازمین سے احترام اور یکجہتی کے طور پر آج سہ پہر 3:30 بجے دو منٹ کی خاموشی اختیار کرنے کے لیے کہا گیا ہے۔ جموں کشمیر کے وزیر اعلیٰ آفس نے سوشل میڈیا پلیٹ فارم ایکس پر پوسٹ کرتے ہوئے ہوئے تمام سرکاری ملازمین سے اس تعزیت میں شامل ہونے کے لیے کہا ہے۔

In light of the tragic killing of innocent civilians by terrorists in Pahalgam, all government office employees across Jammu and Kashmir are requested to observe a two-minute silence at 3:30 PM today as a mark of respect and solidarity.

— Office of Chief Minister, J&K (@CM_JnK) April 23, 2025

بھارت ایکسپریس اردو