مہاراشٹر کے وزراء کا تنازعہ رکنے کا نام نہیں لے رہا ہے۔ اسی سلسلے میں ایک تازہ ویڈیو وائر ہو رہی ہے۔ این سی پی (ایس پی) کے ایم ایل اے روہت پوار نے یہ ویڈیو شیئر کرتے ہوئے وزیر مملکت میگھنا بورڈیکر کو تنقید کا نشانہ بنایا جس میں وہ مبینہ طور پر پربھنی میں ایک پروگرام میں گاؤں کے ایک اہلکار کو تھپڑ مارنے کی دھمکی دے رہی تھیں۔ تاہم وزیر اعلیٰ دیویندر فڑنویس نے اس واقعے پر تبصرہ کرتے ہوئے کہا کہ کسی بھی وزیر کے تبصروں کو پس منظر و پیش منظر کے بغیر نہیں پیش کیا جانا چاہیے۔
روہت پوار نے سوشل میڈیا پلیٹ فارم ’ایکس‘ پر ایک پوسٹ میں کہا کہ ’’وہ لوگ جو ایوان میں رمی کھیلتے ہیں، نقدی کے تھیلے بھرتے ہیں، ڈانس بار چلاتے ہیں، پہلے غلطیاں کرتے ہیں اور پھر ان کی تعریف کرنے کی کوشش کرتے ہیں اور اس طرح کے کاموں کا جشن مناتے ہیں۔ اب ایک نیا اضافہ ایک وزیر ہے جو ایک پروگرام کے دوران افسر کو تھپڑ مارنے کی دھمکی دے رہی ہے۔‘‘
सभागृहात रम्मी खेळणारे…
पैशांच्या बॅगा भरणारे…
डान्सबार चालवणारे…
आधी वाकडं काम करून नंतर सरळ करणाऱ्यांचा गौरव करणारे..
यामध्ये भर पडली ती आता थेट अधिकाऱ्यांच्या कानाखाली वाजवण्याची धमकी देणाऱ्या मंत्र्याची…सरकारी कार्यक्रमाला घरकुलाच्या लाभार्थ्यांना आणण्याचं टार्गेट… pic.twitter.com/rRMbQsPHde
— Rohit Pawar (@RRPSpeaks) August 2, 2025
روہت پوار نے دیویندر فڑنویس سے اپنے وزراء کو قابو میں رکھنے کے لیے کہا
ویڈیو میں دیکھا جا سکتا ہے کہ میگھنا بورڈیکر ایک سرکاری پروگرام کے دوران ایک گرام سیوک کو تھپڑ مارنے کی دھمکی دے رہی ہیں، کیوں کہ وہ ہاؤسنگ اسکیم کے استفادہ کنندگان سے متعلق ہدف کو پورا کرنے میں ناکام رہا۔ اس پر سوال کرتے ہوئے روہت پوار نے کہا کہ ’’دیویندر فڑنویس جی، آپ کو کس طرح کے ’سجن‘ (مہذب) وزیر ملے ہیں؟ آپ کی کابینہ کی شبیہ کو نقصان پہنچ رہا ہے اور اس سے بھی اہم بات یہ ہے کہ مہاراشٹر کے وقار سے سمجھوتہ کیا جا رہا ہے۔ براہ کرم ان پر قابو پائیں۔‘‘
دریں اثنا نامہ نگاروں سے بات کرتے ہوئے صحت عامہ کی وزیر مملکت بورڈیکر نے الزام لگایا کہ سوشل میڈیا پر گردش کرنے والے ویڈیو کلپ کو ایڈٹ کیا گیا ہے۔ انھوں نے کہا کہ ’’کوئی بھی ترمیم شدہ کلپ پوسٹ کرکے عوام کو گمراہ کرنے کی کوشش نہ کرے۔ میں نے جو کہا وہ عوام کے مفاد میں تھا۔ میں ضلع پریشد کے افسران کے سامنے ایک اسٹاف ممبر کے بارے میں بات کر رہی تھی جس نے اپنا کام بہتر نہیں کیا۔ اگر کوئی نہیں سنتا ہے تو ہمیں اس زبان اور لہجے میں بات کرنی چاہیے جو وہ سمجھتے ہیں۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
