جی20 کے مندوبین کا جموں و کشمیر کے سری نگر میں آمد کے لئے پرتپاک اور روایتی استقبال
Jammu and Kashmir: جی 20 ممالک کا ایک وفد پیر کے روز مشہور ڈل جھیل کے کنارے شیر کشمیر انٹرنیشنل کنونشن سینٹر (SKICC) میں سیاحتی ورکنگ گروپ کے تیسرے اجلاس میں شرکت کے لیے یہاں پہنچا۔
سری نگر کے بین الاقوامی ہوائی اڈے پر مندوبین کا استقبال مرکزی وزیر سیاحت جی کشن ریڈی اور امیتابھ کانت، جی 20 شیرپا نے کیا۔
مندوبین ایس کے آئی سی سی پہنچے جہاں پگڑی، تلک اور پھولوں کے ساتھ ان کا روایتی استقبال کیا گیا۔
یہاں پہنچنے والے 60 مندوبین میں سے سب سے زیادہ تعداد سنگاپور کے وفد کی ہے جب کہ چین، ترکی اور سعودی عرب نے شرکت نہیں کی۔
دوپہر میں، گروپ کی باضابطہ میٹنگ شروع ہوگی جس میں پانچ اہم ترجیحی شعبوں – گرین ٹورازم، ڈیجیٹلائزیشن، ہنر، MSMEs اور ڈیسٹینیشن مینجمنٹ پر تبادلہ خیال کیا جائے گا۔
وسیع حفاظتی بندوبسٹ کے حصے کے طور پر، پنڈال کی طرف جانے والی سڑک دو دن تک گاڑیوں کی آمدورفت کے لیے بند رہے گی۔ مقامی ٹریفک پولیس پہلے ہی ایک ایڈوائزری جاری کر چکی ہے جس میں لوگوں سے متبادل راستے اختیار کرنے کی اپیل کی گئی ہے۔
-بھارت ایکسپریس
