کولکاتہ کا رہنے والا بیتان ادھیکاری جموں و کشمیر کے پہلگام دہشت گردانہ حملے میں اپنی جان سے ہاتھ دھو بیٹھا۔ اب وزارت داخلہ نے ان کی اہلیہ سوہنی رائے کو ہندوستانی شہریت دے دی ہے۔ ان کے شوہر کی موت کے بعد، بیتان ادھیکاری کے خاندان کے ایک حصے نے سوہنی کی قومیت پر سوالات اٹھائے تھے۔مرکزی وزیر مملکت سکانتا مجمدار نے سوہنی رائے کا شہریت قانون 1955 کے تحت رجسٹریشن کا سرٹیفکیٹ سوشل میڈیا پر شیئر کیاہے۔ دستاویز میں کہا گیا ہے کہ سوہنی کی پیدائش بنگلہ دیش کے نارائن گنج میں ہوئی تھی اور وہ جنوری 1997 میں ہندوستان آئی تھی۔
مجمدار نے کہا کہ سوہنی نے بیتان ادھیکاری سے شادی کے بعد کافی عرصہ پہلے ہندوستانی شہریت کے لیے درخواست دی تھی۔ بھارتیہ جنتا پارٹی کے رہنما سکانتا مجمدار نے کہاکہ حکومت ہند نے شہریت کے لیے اس درخواست کو قبول کر لیا ہے۔ میں مرکزی وزیر داخلہ امت شاہ اور وزیر اعظم نریندر مودی کا شکر گزار ہوں۔ بیتان بابو کو پہلگام میں بے دردی سے قتل کیا گیا۔ مرکزی حکومت نے سوہنی کو شہریت دے کر ان کی زندگی کو ایک نئی سمت دی ہے۔
কাশ্মীরের পহেলগাঁও-এ ইসলামী সন্ত্রাসবাদীদের আক্রমনে নিহত বিতান অধিকারীর স্ত্রী সোহিনী দেবীকে ভারতীয় নাগরিকত্ব প্রদান করলো ভারত সরকারের স্বরাষ্ট্রমন্ত্রক।
এই সিদ্ধান্তের জন্য আমি হৃদয় থেকে ধন্যবাদ জানাই ভারতের যশস্বী প্রধানমন্ত্রী মাননীয় শ্রী @narendramodi জী এবং কেন্দ্রীয়… pic.twitter.com/tB69NGzfNN
— Dr. Sukanta Majumdar (@DrSukantaBJP) May 10, 2025
آپ کو بتادیں کہ امریکہ کے فلوریڈا میں کام کرنے والے آئی ٹی ملازم بیتان ادھیکاری کو 22 اپریل کو پہلگام میں ان کی اہلیہ کے سامنے قتل کر دیا گیا تھا۔ بیتان ادھیکاری کے بوڑھے والدین سمیت ان کے اہل خانہ کولکاتہ کے پٹولی میں رہتے ہیں۔ مغربی بنگال حکومت نے خاندان کے لیے معاوضے کا اعلان کیا ہے اور معاوضے کی رقم متوفی کے والدین اور بیوی میں تقسیم کی جائے گی۔ حکمران جماعت اور اپوزیشن دونوں کے کئی سیاستدانوں نے سانحہ کے بعد ادھیکاری خاندان سے ملاقات کی ہے اور حمایت کا یقین دلایا ہے۔جموں کے پہلگام میں ہوئے دہشت گردانہ حملے پر ملک بھر میں غصہ ہے۔ اس حملے میں 26 سیاح مارے گئے تھے۔ ان میں سے تین کا تعلق بھی بنگال سے تھا۔ بھارتی فوج نے آپریشن سندھ کا آغاز کرتے ہوئے پاکستان میں دہشت گردوں کے 9 ٹھکانے تباہ کر دیے تھے۔ پاکستان کی جانب سے کئی ڈرونز بھی فائر کیے گئے۔ تاہم بھارت نے پاکستان کے تمام حملوں کو ناکام بناتے ہوئے منہ توڑ جواب دیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
