ہندوستان کی اسٹار تیرانداز دیپیکا کماری نے تیر اندازی ورلڈ کپ اسٹیج-2 میں شاندار کارکردگی کا مظاہرہ کرتے ہوئے کانسے کا تمغہ جیتا۔ اتوار کو ہونے والے میچ میں دیپیکا کو سیمی فائنل میں دنیا کی نمبر ایک کورین آرچر لم سیہیون سے شکست کا سامنا کرنا پڑا لیکن انہوں نے کانسی کے تمغے کے مقابلے میں زبردست واپسی کی۔
30 سالہ دیپیکا کو خواتین کے ریکرو انفرادی مقابلے کے سیمی فائنل میں لم سیہیون کے ہاتھوں 7-1 سے شکست ہوئی۔ گزشتہ سال یچیون ورلڈ کپ میں بھی لم نے دیپیکا کو سیمی فائنل میں شکست دی تھی۔ تاہم سیمی فائنل میں شکست کو بھول کر دیپیکا نے کانسی کے تمغے کے مقابلے میں کوریا کی کانگ چن یونگ کو 7-3 سے ہرا کر پوڈیم میں جگہ بنائی۔ اس جیت کے ساتھ ہی ورلڈ کپ میں ہندوستان کے کل تمغوں کی تعداد 6 ہوگئی۔ ہفتہ کو کمپاؤنڈ زمرہ میں ہندوستانی تیر اندازوں نے پانچ تمغے جیتے، جس میں مدھورا دھامن گنکر نے انفرادی گولڈ سمیت تین تمغے جیت کر تین سال بعد قومی ٹیم میں اپنی واپسی کو یادگار بنایا۔
سنسنی خیز مقابلے میں دیپیکا نے جیتا میڈل
دیپیکا نے کانسی کے تمغے کے مقابلے میں بہترین حکمت عملی اور درست شوٹنگ کا مظاہرہ کیا۔ پہلا سیٹ 27-27 کے برابری پر ختم ہوا۔ دوسرے سیٹ میں دیپیکا نے 28-26 سے جیت کر 3-1 کی برتری حاصل کی۔ تیسرے سیٹ میں کانگ نے پرفیکٹ 30 پوائنٹس حاصل کر کے اسکور کو 3-3 سے برابر کر دیا۔ چوتھے سیٹ میں دیپیکا نے اپنا تجربہ دکھایا اور 10 پوائنٹس پر تینوں تیر مارے اور 5-3 کی برتری حاصل کی۔ فائنل سیٹ میں انہوں نے کانگ کے 28 پوائنٹس کے مقابلے میں 29 پوائنٹس حاصل کیے اور کانسے کا تمغہ جیتا۔
نظریں پارتھ سالونکے پرمرکوز
مردوں کے ریکریو زمرے میں ہندوستان کے پارتھ سالونکے کو سیمی فائنل میں کوریا کے کم ووجن کے ہاتھوں 4-6 سے شکست کا سامنا کرنا پڑا۔ اب وہ کانسے کے تمغے کے لیے مقابلہ کریں گے۔ ہندوستان نے اس ورلڈ کپ میں اب تک 6 تمغے جیتے ہیں جن میں دیپیکا کے کانسے اور کمپاؤنڈ زمرے میں پانچ تمغے شامل ہیں۔ ملک کو پارتھ سالونکے سے بھی تمغے کی امید ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
