PM Modi addresses experts at IATA’s annual general meeting: ’’ہندوستان مستقبل میں ایوی ایشن کا ہب بننے کے لیے تیار‘‘، وزیر اعظم مودی نے آئی اے ٹی اے کی سالانہ جنرل میٹنگ میں ماہرین سے کیا خطاب

وزیر اعظم نریندر مودی نے پیر کو دہلی میں انٹرنیشنل ایئر ٹرانسپورٹ ایسوسی ایشن (IATA) کی سالانہ جنرل میٹنگ میں شرکت کی اور اس میدان کے ماہرین سے خطاب کیا۔ اپنے خطاب کے دوران وزیر اعظم مودی نے ہندوستان کو عالمی ہوا بازی کے میدان میں ایک ابھرتی ہوئی طاقت کے طور پر پیش کیا گیا اور کہا کہ یہ مزید ترقی کی طرف گامزن ہے۔

پی ایم مودی نے کہا ’’اب ہم ایک ایسے موڑ پر کھڑے ہیں جہاں سفر اب زمین کے شہروں تک محدود نہیں رہا ہے۔ انسان تجارتی خلائی پروازوں اور سیاروں کے بیچ سفر کے خواب دیکھ رہے ہیں اور شہری ہوا بازی اس تبدیلی کا مرکز ہے۔‘‘ اعلیٰ حکام اور ایوی ایشن کے عالمی رہنماؤں سے بات کرتے ہوئے وزیر اعظم نے سربراہی اجلاس کو نہ صرف صنعتی ذہنوں کا اجتماع قرار دیا بلکہ ’’مشترکہ آب و ہوا کے وعدوں، عالمی تعاون اور مساوی ترقی‘‘ کے لیے ایک لانچ پیڈ قرار دیا۔

#WATCH | Delhi: At AGM of IATA (International Air Transport Association), PM Modi says, “Today, we stand at a juncture where our travel plan is restricted not just to the cities on earth. Today, humans are dreaming of commercialising space flights and interplanetary journeys, and… pic.twitter.com/LAsLjBrYaJ

— ANI (@ANI) June 2, 2025

انھوں نے مزید کہا کہ ’’اگرچہ ابھی کچھ وقت لگے گا، لیکن یہ ظاہر ہے کہ ایوی ایشن مستقبل میں اختراع اور جدت کا مرکز ہوگی۔ اور ہندوستان اس کے لیے تیار ہے۔‘‘ انھوں نے اس میدان میں ہندوستان کی تیاری کا سہرا تین ستونوں کو دیا: ایک وسیع اور پرامید صارفی منڈی، نوجوانوں سے چلنے والا ٹیلنٹ پول جو کہ AI، روبوٹکس اور صاف توانائی میں ماہر ہے اور حکومتی پالیسی ایکو سسٹم جو کھلا، معاون اور اختراع کے لیے دوستانہ ہے۔

وزیر اعظم نے نشان دہی کی کہ ہندوستان کا شہری ہوابازی کا شعبہ، جو پہلے سے ہی دنیا میں سب سے تیزی سے ترقی کرنے والا ہے، حکومت کے عالمی ٹیک اور لاجسٹکس کا مرکز بننے کی طرف گامزن ہے۔ انھوں نے کہا ’’اس سمٹ میں آپ جو بات کر رہے ہیں وہ ہوا بازی کے لیے ایک نئی سمت طے کرے گی۔ ہمیں اب اس شعبے کے لامحدود امکانات کو استعمال کرنا چاہیے اور ان کا بہتر استعمال کرنا چاہیے۔‘‘