وزیر اعظم نریندر مودی نے یومِ آزادی کے موقع پر جمعہ کو دہلی میں راج گھاٹ کا دورہ کیا اور بابائے قوم مہاتما گاندھی کو خراج عقیدت پیش کیا۔ اس کے بعد وہ سیدھے لال قلعہ گئے، جہاں انھوں نے ترنگا لہرایا اور ہم وطنوں سے خطاب کیا۔ یہ ان کی مسلسل 12ویں یوم آزادی کی تقریر ہے۔ اس سال یومِ آزادی کا تھیم ’نیو انڈیا‘ ہے، جو 2047 تک ترقی یافتہ ہندوستان کے ہدف کے تئیں حکومت کے عزم کی عکاسی کرتا ہے۔
स्वतंत्रता दिवस के पावन अवसर पर राजघाट जाकर पूज्य बापू को श्रद्धांजलि अर्पित की। pic.twitter.com/4hLUERsnlK
— Narendra Modi (@narendramodi) August 15, 2025
اہل وطن کو دی مبارکباد
وزیر اعظم مودی نے سوشل میڈیا پلیٹ فارم ’ایکس‘ پر بھی اہل وطن کو یومِ آزادی کی مبارکباد دی اور ان پر زور دیا کہ وہ ترقی یافتہ ہندوستان کی تعمیر کے لیے مزید محنت کریں۔ پی ایم مودی نے لکھا کہ ’’یوم آزادی پر سب کو دل کی گہرائیوں سے مبارکباد۔ یہ دن ہمیں اپنے آزادی پسندوں کے خوابوں کو شرمندہ تعبیر کرنے اور ایک ترقی یافتہ ہندوستان کی تعمیر کرنے کی ترغیب دے۔ جے ہند!‘‘ ایک اور پوسٹ میں پی ایم مودی نے لکھا کہ ’’میری خواہش ہے کہ یہ خاص موقع تمام ہم وطنوں کی زندگیوں میں نیا جوش اور توانائی لائے، جو ترقی یافتہ ہندوستان کی تعمیر کو نئی تحریک دے گا۔ جے ہند!‘‘
Wishing everyone a very happy Independence Day. May this day inspire us to keep working even harder to realise the dreams of our freedom fighters and build a Viksit Bharat. Jai Hind!
— Narendra Modi (@narendramodi) August 15, 2025
لال قلعہ میں شاندار استقبال
لال قلعہ پہنچنے پر وزیر اعظم مودی کا استقبال وزیر دفاع راج ناتھ سنگھ، وزیر مملکت برائے دفاع سنجے سیٹھ اور دفاعی سکریٹری راجیش کمار سنگھ نے کیا۔ اس سال یوم آزادی کی تقریبات کی خاص بات یہ تھی کہ اس موقع پر آپریشن سندور کی کامیابی کا جشن بھی منایا گیا۔ اس موقع پر ملک بھر کے شہریوں میں جوش و خروش اور فخر دیکھا گیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
