سپریم کورٹ نے بہار ایس آئی آر پر بڑا فیصلہ سنایا ہے۔
بہار میں ووٹر لسٹ کی خصوصی نظرثانی (ایس آئی آر) کے تحت تقریباً پینسٹھ لاکھ ووٹروں کے نام حذف کیے جانے کے معاملے پر آج سپریم کورٹ میں اہم سماعت ہوگی۔ جسٹس سوریہ کانت اور جسٹس جوی مالا بگچی پر مشتمل دو رکنی بنچ ایس آئی آر کی آئینی حیثیت کو چیلنج کرنے والی عرضیوں کی سماعت کرے گی۔
پچھلی سماعت میں عبوری روک سے انکار
گزشتہ سماعت میں عدالت نے ایس آئی آر پر عبوری روک لگانے سے انکار کرتے ہوئے الیکشن کمیشن کو عمل مکمل کرنے کی اجازت دی تھی، تاہم یہ بھی کہا تھا کہ اگر ووٹروں کے نام بڑی تعداد میں کاٹے گئے تو عدالت مداخلت کر سکتی ہے۔
ڈرافٹ لسٹ سے پینسٹھ لاکھ نام غائب
تنازع اس وقت شدت اختیار کر گیا جب ڈرافٹ ووٹر لسٹ سے تقریباً پینسٹھ لاکھ نام حذف پائے گئے۔ ایسوسی ایشن فار ڈیموکریٹک ریفارمز نے عدالت میں موقف اختیار کیا کہ یہ عمل شفافیت کے خلاف ہے اور لاکھوں لوگوں کے ووٹ دینے کے حق کو متاثر کرے گا۔
الیکشن کمیشن کا موقف
سماعت سے ایک روز قبل الیکشن کمیشن نے عدالت میں حلف نامہ جمع کرایا۔ کمیشن نے کہا کہ کارروائی مکمل طور پر قانونی ہے اور ضابطے میں یہ لازم نہیں کہ ڈرافٹ لسٹ سے حذف شدہ ووٹروں کی الگ فہرست جاری کی جائے۔ کمیشن کے مطابق جن ووٹروں کے نام لسٹ میں شامل نہیں ہوں گے، انہیں باضابطہ اطلاع دی جائے گی اور دو مرحلوں پر اپیل کا موقع بھی دیا جائے گا۔
عوامی بیداری کی مہم
کمیشن نے بتایا کہ ووٹروں کو آگاہ کرنے کے لیے بڑے اخبارات میں اشتہارات دیے گئے ہیں، پریس ریلیز جاری کی جا رہی ہیں، ایس ایم ایس بھیجے جا رہے ہیں اور بوتھ لیول افسران کو ہدایت دی گئی ہے کہ وہ متاثرہ ووٹروں کی رہنمائی کریں۔
ممکنہ عدالتی فیصلہ اور اثرات
آج کی سماعت میں عدالت فریقین کے دلائل سننے کے بعد یہ طے کر سکتی ہے کہ ووٹروں کے نام حذف کرنے کا موجودہ طریقہ آئینی اور قانونی معیار پر پورا اترتا ہے یا نہیں۔ اس فیصلے کے اثرات بہار کے ساتھ ساتھ ملک بھر میں ووٹر لسٹ کی نظرثانی کے عمل پر پڑسکتے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
