Hyderabad Blast: حیدرآباد میں کیمیکل سے بھرے ٹینکر میں زور دار دھماکہ،اب تک 10 لوگوں کی موت،متعدد زخمی،راحت وبچاو جاری

تلنگانہ کے دارالحکومت حیدرآباد میں کیمیکل سے بھرے ٹینکر میں زور دار دھماکہ ہوا۔ اس حادثے میں کم از کم 10 لوگوں کی موت ہو گئی، جب کہ کئی لوگ زخمی ہیں۔ یہ دھماکہ سگاچی کیمیکلز میں ہواہے۔اب تک ملی اطلاعات کے مطابق حادثے میں کم از کم 10 افراد ہلاک جب کہ متعدد زخمی ہیں۔ زخمیوں کو قریبی اسپتال میں داخل کرایا گیا ہے۔ راحت اور بچاؤ کا کام جاری ہے جب کہ واقعے کی تحقیقات شروع کردی گئی ہیں۔

معلومات کے مطابق، یہ دھماکہ پٹن چیرو منڈل کی سگاچی کیمیکلز انڈسٹری میں ہوا۔ دھماکہ ری ایکٹر میں پھٹنے سے ہوا جس کے بعد آگ نے شدید شکل اختیار کر لی۔ آگ نے پوری انڈسٹری کو اپنی لپیٹ میں لے لیا اور آگ پر قابو پانے کے لیے 2 فائر انجن موقع پر موجود ہیں۔حکام کا کہنا ہے کہ مرنے والوں کی تعداد بڑھ سکتی ہے۔ فیکٹری میں آگ لگنے کے باعث ریسکیو آپریشن جاری ہے۔ اگرچہ ابھی تک حادثے کی وجہ واضح نہیں ہے تاہم ابتدائی طور پر خیال کیا جا رہا ہے کہ دھماکہ ری ایکٹر میں فنی خرابی کے باعث ہوا ہو گا۔ حکام اس بات کی تحقیقات کر رہے ہیں کہ آیا صنعت میں حفاظتی اصولوں پر عمل کیا گیا یا نہیں۔

بھارت ایکسپریس۔